ایک اور سال گرہ
لو تیسواں سال بھی بیت گیا لو بال روپہلی ہونے لگے لو کاسۂ چشم ہوا خالی لو دل میں نہیں اب درد کوئی یہ تیس برس کیسے کاٹے یہ تیس برس کیسے گزرے آسان سوال ہے کتنا یہ! معلوم ہے مجھ کو یہ دنیا کس طرح وجود میں آئی ہے کس طرح فنا ہوگی اک دن معلوم ہے مجھ کو انساں نے کس طرح سے کی تخلیق خدا کس طرح بتوں کو پیدا کیا معلوم ہے مجھ کو میں کیا ہوں کس واسطے اب تک زندہ ہوں اک اس کے جواب کا علم نہیں یہ تیس برس کیسے کاٹے ہاں یاد ہے اتنا میں اک دن ٹافی کے لیے رویا تھا بہت اماں نے مجھے پیٹا تھا بہت ہاں یاد ہے اتنا میں اک دن تتلی کا تعاقب کرتے ہوئے اک پیڑ سے جا ٹکرایا تھا ہاں اتنا یاد ہے میں اک دن نیندوں کے دیار میں سپنوں کی پریوں سے لپٹ کر سویا تھا ہاں اتنا یاد ہے میں اک دن گھر والوں سے اپنے لڑ بھڑ کے توڑ آیا تھا سب رشتے ناطے ہاں اتنا یاد ہے میں اک دن جب بہت دکھی تھا تنہا تھا اک جسم کی آگ میں پگھلا تھا ہاں یہ بھی یاد ہے میں اک دن سچ بول کے پچھتایا تھا بہت اپنے سے بھی شرمایا تھا بہت ہاں یہ بھی یاد ہے مجھ کو کہ میں جب بہت ہی بے کل ہوتا تھا اشعار بھی لکھا کرتا تھا ہاں یہ بھی یاد ہے مجھ کو کہ میں روٹی روزی کی تمنا میں بڑا خوار ہوا اس دنیا میں ہاں اور بھی کچھ ہے یاد مجھے مگر اس کا جواب کہاں یہ سب یہ تیس برس کیسے گزرے یہ تیس برس کیسے کاٹے اب اس کے جواب سے کیا ہوگا چلو اٹھو کہ صبح ہوئی دیکھو چلو اٹھو کہ اپنا کام کریں چلو اٹھو کہ شہر تمنا میں مرہم ڈھونڈیں ان زخموں کا جو دل نے ابھی تک کھائے نہیں تعبیر کریں ان خوابوں کی جو آنکھوں نے دکھلائے نہیں ان لمحوں کے ہم راز بنیں جو زیست میں اپنی آئے نہیں چلو تیسواں سال بھی بیت گیا چلو مے چھلکائیں جشن کریں چلو سر کو جھکائیں سجدے میں اس عمر فرومایہ کا سفر آدھے سے زیادہ ختم ہوا
English rendering
Lo teeswaan saal bhi beet gaya Lo baal roopahli hone lage Lo kaasa-e-chashm hua khaali Lo dil mein nahin ab dard koi Ye tees baras kaise kaate Ye tees baras kaise guzre Aasaan sawaal hai kitna ye! Ma'loom hai mujh ko ye duniya Kis tarah wujood mein aayi hai Kis tarah fana hogi ik din Ma'loom hai mujh ko insaan ne Kis tarah se ki takhleeq Khuda Kis tarah buton ko paida kiya Ma'loom hai mujh ko main kya hoon Kis waaste ab tak zinda hoon Ik us ke jawaab ka ilm nahin Ye tees baras kaise kaate Haan yaad hai itna main ik din Toffee ke liye roya tha bahut Amma ne mujhe peeta tha bahut Haan yaad hai itna main ik din Titli ka ta'aqub karte hue Ik ped se ja takraya tha Haan itna yaad hai main ik din Neendon ke dayaar mein sapnon ki Pariyon se lipat kar soya tha Haan itna yaad hai main ik din Ghar waalon se apne lad bhid ke Tod aaya tha sab rishte naate Haan itna yaad hai main ik din Jab bahut dukhi tha tanha tha Ik jism ki aag mein pighla tha Haan ye bhi yaad hai main ik din Sach bol ke pachtaya tha bahut Apne se bhi sharmaya tha bahut Haan ye bhi yaad hai mujh ko ke main Jab bahut hi be-kal hota tha Ash'aar bhi likha karta tha Haan ye bhi yaad hai mujh ko ke main Roti rozi ki tamanna mein Bada khwaar hua is duniya mein Haan aur bhi kuch hai yaad mujhe Magar is ka jawaab kahan ye sab Ye tees baras kaise guzre Ye tees baras kaise kaate Ab is ke jawaab se kya hoga Chalo utho ke subah hui dekho Chalo utho ke apna kaam karein Chalo utho ke shahar-e-tamanna mein Marham dhoondein un zakhmon ka Jo dil ne abhi tak khaaye nahin Ta'beer karein un khwaabon ki Jo aankhon ne dikhlaaye nahin Un lamhon ke hum raaz banein Jo zist mein apni aaye nahin Chalo teeswaan saal bhi beet gaya Chalo mai chhalakayein jashn karein Chalo sar ko jhukayein sajde mein Is umr-e-faromaaya ka safar Aadhe se zyada khatm hua