کس فکر کس خیال میں کھویا ہوا سا ہے
کس فکر کس خیال میں کھویا ہوا سا ہے دل آج تیری یاد کو بھولا ہوا سا ہے گلشن میں اس طرح سے کب آئی تھی فصل گل ہر پھول اپنی شاخ سے ٹوٹا ہوا سا ہے چل چل کے تھک گیا ہے کہ منزل نہیں کوئی کیوں وقت ایک موڑ پہ ٹھہرا ہوا سا ہے کیا حادثہ ہوا ہے جہاں میں کہ آج پھر چہرہ ہر ایک شخص کا اترا ہوا سا ہے نذرانہ تیرے حسن کو کیا دیں کہ اپنے پاس لے دے کے ایک دل ہے سو ٹوٹا ہوا سا ہے پہلے تھے جو بھی آج مگر کاروبار عشق دنیا کے کاروبار سے ملتا ہوا سا ہے لگتا ہے اس کی باتوں سے یہ شہریارؔ بھی یاروں کے التفات کا مارا ہوا سا ہے
English rendering
Kis fikr kis khayal mein khoya hua sa hai Dil aaj teri yaad ko bhoola hua sa hai Gulshan mein is tarah se kab aayi thi fasl-e-gul Har phool apni shaakh se toota hua sa hai Chal chal ke thak gaya hai ke manzil nahin koi Kyun waqt ek mod pe thehra hua sa hai Kya hadsa hua hai jahan mein ke aaj phir Chehra har ek shakhs ka utra hua sa hai Nazrana tere husn ko kya dein ke apne paas Le de ke ek dil hai so toota hua sa hai Pehle the jo bhi aaj magar karobar-e-ishq Duniya ke karobar se milta hua sa hai Lagta hai uski baaton se yeh Shahriyar bhi Yaaron ke iltefaat ka mara hua sa hai