نشاط غم بھی ملا رنج شاد مانی بھی
نشاط غم بھی ملا رنج شاد مانی بھی مگر وہ لمحے بہت مختصر تھے فانی بھی کھلی ہے آنکھ کہاں کون موڑ ہے یارو دیار خواب کی باقی نہیں نشانی بھی رگوں میں ریت کی اک اور تہ جمی دیکھو کہ پہلے جیسی نہیں خون میں روانی بھی بھٹک رہے ہیں تعاقب میں اب سرابوں کے ملا نہ جن کو سمندر سے بوند پانی بھی زمیں بھی ہم سے بہت دور ہوتی جاتی ہے ڈرا رہی ہے خلاؤں کی بیکرانی بھی طویل ہونے لگی ہیں اسی لیے راتیں کہ لوگ سنتے سناتے نہیں کہانی بھی
English rendering
Nishat-e-gham bhi mila ranj shaadmaani bhi Magar woh lamhe bahut mukhtasar the faani bhi Khuli hai aankh kahan kaun mod hai yaaro Dayar-e-khwab ki baaqi nahin nishaani bhi Ragon mein ret ki ik aur teh jami dekho Ke pehle jaisi nahin khoon mein rawani bhi Bhatak rahe hain ta'aqub mein ab sarabon ke Mila na jin ko samandar se boond paani bhi Zameen bhi hum se bahut door hoti jaati hai Dara rahi hai khalaon ki bikrani bhi Taweel hone lagi hain isi liye raatein Ke log sunte sunaate nahin kahani bhi