سبھی کو غم ہے سمندر کے خشک ہونے کا
سبھی کو غم ہے سمندر کے خشک ہونے کا کہ کھیل ختم ہوا کشتیاں ڈبونے کا برہنہ جسم بگولوں کا قتل ہوتا رہا خیال بھی نہیں آیا کسی کو رونے کا صلہ کوئی نہیں پرچھائیوں کی پوجا کا مآل کچھ نہیں خوابوں کی فصل بونے کا بچھڑ کے تجھ سے مجھے یہ گمان ہوتا ہے کہ میری آنکھیں ہیں پتھر کی جسم سونے کا ہجوم دیکھتا ہوں جب تو کانپ اٹھتا ہوں اگرچہ خوف نہیں اب کسی کے کھونے کا گئے تھے لوگ تو دیوار قہقہہ کی طرف مگر یہ شور مسلسل ہے کیسا رونے کا مرے وجود پہ نفرت کی گرد جمتی رہی ملا نہ وقت اسے آنسوؤں سے دھونے کا
English rendering
Sabhi ko gham hai samundar ke khushk hone ka Ke khel khatm hua kashtiyan dubone ka Barahna jism bagulon ka qatl hota raha Khayal bhi nahin aaya kisi ko rone ka Sila koi nahin parchhaiyon ki pooja ka Maal kuchh nahin khwabon ki fasl bone ka Bichhad ke tujh se mujhe yeh guman hota hai Ke meri aankhein hain patthar ki jism sone ka Hujoom dekhta hoon jab to kaanp uthta hoon Agarche khauf nahin ab kisi ke khone ka Gaye the log to deewar-e-qahqaha ki taraf Magar yeh shor musalsal hai kaisa rone ka Mere wajood pe nafrat ki gard jamti rahi Mila na waqt use aansuon se dhone ka