(غیر) حاضر
حاضری لگنے والی ہے خاموش ہوں اور توجہ کریں ایک؟ “جی سر! “ اُدھر دائیں دیوار کی کھڑکیوں سے پرے پیڑ ہیں کچھ ہرے پیڑ ہیں جن کے پتے لگاتار جھڑتے چلے جا رہے ہیں پرندے بھی ہیں پیڑوں پر ان کے پر.. “پانچ؟ “ “حاضر جناب! “ ان کے پر.. سرمئی رنگ سے ملتا جلتا کوئی رنگ ہے “سات؟ “ جی! گھونسلہ ایک ہے.. یعنی سارے پرندے اِدھر کے نہیں، کچھ چلے جائیں گے اور یہ تیسرے پیڑ پر کیا لکھا ہے؟ نیا ہے نکل کر پڑھوں گا میں دس؟ جی میں ہوں بالکل ایسے کسی نے کہا تھا مجھے دس برس قبل تیرہ مئی، دو ہزار آٹھ، منگل تھا اور شام چھ یا سوا چھ مرے گھر کی چھت میں نے دیوار کی اِس طرف سے کہا تھا: کوئی ہے؟ تبھی بالکل ایسے کسی نے کہا تھا کہ جی ہاں میں ہوں پندرہ یس سر! پریزنٹ جی ہاں.. پریزنٹ.. حال اب وہ آواز جانے کہاں جا چکی دس برس ہوگئے، پوچھتے پوچھتے، کوئی ہے، کوئی ہے اور آگے سے بس خامشی جی میں ہوں والی آواز تو جاچکی ہے اٹھارہ؟ کہاں ہو گی اب؟ رول نمبر اٹھارہ؟ ارے یہ تو میں.. سوری سر تم کہاں کھوئے رہتے ہو، پاگل ہو کیا سر وہ آواز تو جا چکی کیا کہا؟ جا چکی چپ! نہیں سر!.. سنیں جب سے وہ جاچکی میں جہاں بھی ہوں، ہو کر بھی ہوتا نہیں جیسے اب بھی یہاں تو نہیں ہوں، بظاہر ہوں سر آپ سمجھے نہیں! اور کچھ بھی بتانے سے قاصر ہوں سر آپ لکھ دیجیے غیر حاضر ہوں سر
English rendering
Haziri lagne wali hai Khaamosh hon aur tawajjo karein Ek? “Ji Sir! “ Udhar daaein deewar ki khidkiyon se pare ped hain Kuchh hare ped hain Jin ke patte lagaataar jhadte chale ja rahe hain Parinde bhi hain pedon par Un ke par.. “Paanch? “ “Hazir Janab! “ Un ke par.. Surmayi rang se milta julta koi rang hai “Saat? “ Ji! Ghaunsla ek hai.. Yaani saare parinde idhar ke nahin, kuchh chale jaayenge Aur ye teesre ped par kya likha hai? Naya hai Nikal kar padhoon ga main Das? Ji main hoon Bilkul aise kisi ne kaha tha mujhe das baras qabl Teerah Mayi, do hazaar aath, Mangal tha aur shaam chhe ya sawa chhe Mere ghar ki chhat Maine deewar ki iss taraf se kaha tha: Koi hai? Tabhi bilkul aise kisi ne kaha tha ke ji haan main hoon Pandrah Yes Sir! Present Ji haan.. Present.. haal Ab woh awaaz jaane kahan ja chuki Das baras ho gaye, poochhte poochhte, koi hai, koi hai Aur aage se bas khamoshi Ji main hoon wali awaaz to ja chuki hai Atharah? Kahan ho gi ab? Roll number atharah? Arre ye to main.. Sorry Sir Tum kahan khoye rehte ho, pagal ho kya Sir woh awaaz to ja chuki Kya kaha? Ja chuki Chup! Nahin Sir!.. Sun'nein Jab se woh ja chuki Main jahan bhi hoon, ho kar bhi hota nahin Jaise ab bhi yahan to nahin hoon, bazahir hoon Sir Aap samjhe Nahin! Aur kuchh bhi batane se qaasir hoon Sir Aap likh dijiye Ghair hazir hoon Sir