ہمیں تحفظ کا خبط، چھُپنے کی لت نہیں تھی
ہمیں تحفظ کا خبط، چھُپنے کی لت نہیں تھی فلک سے ربط استوار تھا، گھر کی چھت نہیں تھی میں کاروبارِجنوں کو اب ترک کر چکا ہوں وہ کام اچھا تھا لیکن اُس میں بچت نہیں تھی وہ شخص بھی شعر تھا کوئی سہلِ ممتنع میں نہیں کھلا گر چہ اس کی کوئی پرت نہیں تھی بہت سا غم اس لئے منافع گھٹا کے بیچا کیا تھا جتنا برآمد، اتنی کھپت نہیں تھی ہمارا چہرہ بہت سی آنکھوں کا پِیر ہے اب وہ آنکھیں جن کو ملال کی معرفت نہیں تھی اک اور عشق آ گیا تھا دورانِ ہجر، ٹالا ممانعت تو نہیں تھی، مجھ میں سکت نہیں تھی بھلا ہو نم کا کہ اک جگہ پر بٹھا دیا ہے وگرنہ مجھ گرد کی زمیں سے جڑت نہیں تھی
English rendering
Hamein tehffuz ka khabt, chhupne ki lat nahin thi Falak se rabt istwaar tha, ghar ki chhat nahin thi Main kaarobar-e-junooñ ko ab tark kar chuka hoon Wo kaam achha tha lekin us mein bachat nahin thi Wo shakhs bhi sher tha koi sahl-e-mumtane mein Nahin khula garche is ki koi parat nahin thi Bahut sa gham is liye munafe ghata ke becha Kiya tha jitna bar-aamad, utni khapat nahin thi Hamara chehra bahut si aankhon ka peer hai ab Wo aankhen jin ko malaal ki maarifat nahin thi Ik aur ishq aa gaya tha dauraan-e-hijr, taala Mumaniyat to nahin thi, mujh mein saqt nahin thi Bhala ho nam ka ke ik jagah par bitha diya hai Wagarna mujh gard ki zamin se judat nahin thi