لیتے تھے لطف ہم اَدَبی اختلاف کا
لیتے تھے لطف ہم اَدَبی اختلاف کا چیخوف اُسے پسند تھا اور مجھ کو کافکا میں گھومتا ہوں، گھومتی کرسی پہ، دل کے گِرد لیتا ہوں اجر، خانہِ رب کے طواف کا مجھ کو سزا سنا دی گئی، دی بھی جا چکی تو اب بھی منتظر ہے مرے اعتراف کا؟ اُس دل سے ہو کے نور مڑا جب مری طرف سمجھا میں پہلی بار،اصول انعطاف کا خلوت منائیں، دھیان لگائیں، دروں کو جائیں موقع بھی دے رہی ہے وبا، اعتکاف کا سردی تھی یا اندھیرے کا ڈر تھا کہ رات، خوف کونا پکڑ کے بیٹھ گیا تھا لحاف کا کندہ کیا ہے عشق نے اک زخم روح پر کیسا نیا طریقہ ہے آٹو گراف کا یکتائی کیا ہے، یہ تجھے سمجھائے گا وہ شخص مرکز سمجھ چکا ہو جو کالے شگاف کا
English rendering
Lete the lutf hum adabi ikhtilaf ka Chekhov use pasand tha aur mujh ko Kafka Main ghoomta hoon, ghoomti kursi pe, dil ke gird Leta hoon ajr, khana-e-rab ke tawaf ka Mujh ko saza suna di gayi, di bhi ja chuki Tu ab bhi muntazir hai mere e'tiraaf ka? Us dil se ho ke noor muda jab meri taraf Samjha main pehli baar, usool-e-inhitaaf ka Khalwat manayen, dhyan lagayen, daroon ko jaayen Mauqa bhi de rahi hai waba, e'tikaf ka Sardi thi ya andhere ka dar tha ke raat, khauf Kona pakad ke baith gaya tha lihaf ka Kunda kiya hai ishq ne ek zakhm ruh par Kaisa naya tareeqa hai auto-graph ka Yaktai kya hai, yeh tujhe samjhayega woh shakhs Markaz samajh chuka ho jo kaale shigaf ka