دائیں بازو میں گڑا تیر نہیں کھینچ سکا
دائیں بازو میں گڑا تیر نہیں کھینچ سکا اس لئے خول سے شمشیر نہیں کھینچ سکا شور اتنا تھا کہ آواز بھی ڈبے میں رہی بھیڑ اتنی تھی کہ زنجیر نہیں کھینچ سکا ہر نظر سے نظر انداز شدہ منظر ہوں وہ مداری ہوں جو رہ گیر نہیں کھینچ سکا میں نے محنت سے ہتھیلی پہ لکیریں کھینچیں وہ جنہیں کاتب تقدیر نہیں کھینچ سکا میں نے تصویر کشی کر کے جواں کی اولاد ان کے بچپن کی تصاویر نہیں کھینچ سکا مجھ پہ اک ہجر مسلط ہے ہمیشہ کے لئے ایسا جن ہے کہ کوئی پیر نہیں کھینچ سکا تم پہ کیا خاک اثر ہوگا مرے شعروں کا تم کو تو میر تقی میرؔ نہیں کھینچ سکا
English rendering
Daaein baazu mein gada teer nahin kheench saka Is liye khol se shamsheer nahin kheench saka Shor itna tha ke awaaz bhi dabbe mein rahi Bheed itni thi ke zanjeer nahin kheench saka Har nazar se nazar-andaaz shuda manzar hoon Woh madari hoon jo rahgeer nahin kheench saka Maine mehnat se hatheli pe lakeerein kheenchein Woh jinhein kaatib-e-taqdeer nahin kheench saka Maine tasveer kashi kar ke jawan ki aulaad Un ke bachpan ki tasaweer nahin kheench saka Mujh pe ik hijr musallat hai hamesha ke liye Aisa jin hai ke koi peer nahin kheench saka Tum pe kya khaak asar hoga mere sher'on ka Tum ko to Meer Taqi Meer nahin kheench saka