اِس خرابے میں کچھ آگے وہ جگہ آتی ہے
اِس خرابے میں کچھ آگے وہ جگہ آتی ہے کہ جہاں خواب بھی ٹوٹے تو صدا آتی ہے میں نے زندان میں سیکھا تھا، اسیروں سے، اک اِسم جس کو دیوار پہ پھونکیں تو ہوا آتی ہے خوب رونق تھی اِن آنکھوں میں، پھر اک خواب آیا ایسے، جیسے کسی بستی میں وبا آتی ہے لڑنے جاتے ہیں کہ کچھ مالِ غنیمت لے آئیں اور پھر گھر کی طرف سرخ زرہ آتی ہے اس کو پردے کا تردد نہیں کرنا پڑتا ایسا چہرہ ہے کہ دیکھیں تو حیا آتی ہے ٹھیک ہے، ساتھ رہو میرے، مگر ایک سوال: تم کو وحشت سے حفاظت کی دعا آتی ہے؟ صحن میں پھرتی ہے برسوں کی سدھائی ہوئی یاد جب بھی پُچکار کے کہتا ہوں کہ "آ"، آتی ہے!
English rendering
Is kharaabe mein kuchh aage woh jagah aati hai Ke jahan khwab bhi toote to sada aati hai Maine zindaan mein seekha tha, aseeron se, ik ism Jiss ko deewar pe phoonkein to hawa aati hai Khoob raunaq thi in aankhon mein, phir ik khwab aaya Aise, jaise kisi basti mein waba aati hai Ladne jaate hain ke kuchh maal-e-ghaneemat le aayen Aur phir ghar ki taraf surkh zarah aati hai Uss ko parde ka taraddud nahin karna padta Aisa chehra hai ke dekhein to haya aati hai Theek hai, saath raho mere, magar ek sawaal: Tum ko wahshat se hifazat ki dua aati hai? Sehan mein phirti hai barson ki sudhaayi hui yaad Jab bhi puchkaar ke kehta hoon ke "aa", aati hai!