جاؤ! مجھے ڈراؤ نہ کارِ ملال سے
جاؤ! مجھے ڈراؤ نہ کارِ ملال سے یہ کام کر رہا ہوں میں بتیس سال سے پہلے تو ناخنوں سے تراشے کئی پہاڑ پھر اس کے بعد زخم کریدے کدال سے کُھلتی تھی اک مکان کی کھڑکی، جنوبی سمت سورج طلوع ہوتا تھا میرا شمال سے ایسا نہیں کہ ہجر ہوا مجھ میں صرف جذب ظاہر بھی ہو رہا ہے مرے خدوخال سے یہ زخم اُس کا آخری تحفہ ہے، کچھ کرو! کچھ بھی کرو! بچاؤ اِسے اندمال سے اک ہجرِ ممکنہ مرے کافی قریب ہے دیمک ذرا سی دور ہے لکڑی کے ٹال سے قبل از سفر، درونِ سفر، بعد از سفر کہتا تھا کوئی کان میں :" نجمی! خیال سے!"
English rendering
Jao! Mujhe daraao na kaar-e-malaal se Ye kaam kar raha hoon main battees saal se Pehle to naakhunon se taraashe kayi pahaad Phir uss ke baad zakhm kurede kudaal se Khulti thi ik makaan ki khidki, junoobi simt Suraj tuloo hota tha mera shumaal se Aisa nahin ke hijr hua mujh mein sirf jazb Zahir bhi ho raha hai mere khad-o-khaal se Ye zakhm uss ka aakhri tohfa hai, kuchh karo! Kuchh bhi karo! Bachao ise indimaal se Ik hijr-e-mumkina mere kaafi qareeb hai Deemak zara si door hai lakdi ke taal se Qabl az safar, daroon-e-safar, baad az safar Kehta tha koi kaan mein: "Najmi! Khayal se!"