نظر ٹھہرتی نہیں ہے، رخ آفتاب ہی ہے
نظر ٹھہرتی نہیں ہے، رخ آفتاب ہی ہے یقین کر! تری بے پردگی، حجاب ہی ہے تمہارا ساتھ، اک اعزازی عہدہ ہے، جس میں کچھ اختیار نہیں، صرف رعب داب ہی ہے ہماری اونگھ، کبھی نیند تک گئی ہی نہیں سو خواب دیکھنا، تاحال، ایک خواب ہی ہے قسم خدا کی! بڑی دیر کچھ نہیں دِکھتا بہ غور اُس کی طرف دیکھنا، عذاب ہی ہے میں کچھ بھی پوچھے بغیر اُٹھ کے آگیا واپس سمجھ گیا تھا اُسے دیکھ کر، جواب ہی ہے! مرا بدن بھی کم و بیش ہے زمیں کی طرح کہ دو تہائی، کم از کم، تو زیرِ آب ہی ہے خراب رستے پہ تختی دِکھی تو رک کے پڑھی لکھا تھا: "رستہ یہی ہے مگر خراب ہی ہے" ہم ایک ہاتھ کی دوری پہ ساتھ پھرتے ہیں وہ دسترس میں نہیں، صرف دستیاب ہی ہے تری طلب اگر آسودگی ہے، رب راکھا! ہمارے پاس تو، لے دے کے، اضطراب ہی ہے
English rendering
Nazar thehrti nahin hai, rukh aaftaab hi hai Yaqeen kar! Teri be-pardaagi, hijaab hi hai Tumhara saath, ek a'izazi ohda hai, jis mein Kuch ikhtiyar nahin, sirf raub-o-daab hi hai Hamari oongh, kabhi neend tak gayi hi nahin So khwab dekhna, taa-haal, ek khwab hi hai Qasam khuda ki! Badi der kuch nahin dikhta Ba-ghaur us ki taraf dekhna, azaab hi hai Main kuch bhi pooche baghair uth ke aa gaya wapas Samajh gaya tha use dekh kar, jawab hi hai! Mera badan bhi kam-o-besh hai zameen ki tarah Ke do-tihai, kam az kam, toh zer-e-aab hi hai Kharaab raste pe takhti dikhi toh ruk ke padhi Likha tha: "Rasta yahi hai magar kharaab hi hai" Ham ek haath ki doori pe saath phirte hain Woh dastaras mein nahin, sirf dastiyab hi hai Teri talab agar aasoodgi hai, rab rakha! Hamare paas toh, le de ke, iztiraab hi hai