تجھے نہ آئیں گی مفلس کی مشکلات سمجھ
تجھے نہ آئیں گی مفلس کی مشکلات سمجھ میں چھوٹے لوگوں کے گھر کا بڑا ہوں، بات سمجھ مرے علاوہ ہیں چھے لوگ منحصر مجھ پر مری ہر ایک مصیبت کو ضرب سات سمجھ فلک سے کٹ کے زمیں پر گری پتنگیں دیکھ تُو ہجر کاٹنے والوں کی نفسیات سمجھ شروع دن سے اُدھیڑا گیا ہے میرا وجود جو دُکھ رہا ہے اسے میری باقیات سمجھ کتابِ عشق میں ہر آہ، ایک آیت ہے اور آنسوؤں کو حروفِ مقطعات سمجھ کریں یہ کام تو کنبے کا دن گزرتا ہے ہمارے ہاتھوں کو گھر کی گھڑی کے ہاتھ سمجھ دل و دماغ ضروری ہیں زندگی کے لئے یہ ہاتھ پاؤں اضافی سہولیات سمجھ
English rendering
Tujhe na aayengi muflis ki mushkilaat samajh Main chote logon ke ghar ka bada hoon, baat samajh Mere ilawa hain chhe log munhasir mujh par Meri har ek museebat ko zarb-e-saat samajh Falak se kat ke zameen par giri patangein dekh Tu hijr kaatne walon ki nafsiyaat samajh Shuru din se udheda gaya hai mera wajood Jo dukh raha hai use meri baqiyat samajh Kitab-e-ishq mein har aah, ek ayat hai Aur aansuon ko huroof-e-muqatt'aat samajh Karein ye kaam to kunbe ka din guzarta hai Humare haathon ko ghar ki ghadi ke haath samajh Dil-o-dimagh zaroori hain zindagi ke liye Ye haath paon izaafi sahooliyat samajh