سسی
پُنل اب لوٹنا کیسا؟ محبت خانوادے کے حرم میں گڑ گئی اب تو میرے ہر خواب پہ مٹی کی چادر چڑھ گئی اب تو میرے عشوے میرے غمزے ادائیں مر گئیں اب تو صدائیں مر گئیں اب تو پُنل اب لوٹنا کیسا؟ پُنل صحرا گواہی ہے یہ سانسوں کی طنابوں پر تنا خیمہ گواہی ہے ہتھیلی کی دراڑوں پر چھپے آنسو گواہی ہیں کہ میں نے انتہا تک انتہا سے تم کو مانگا ہے شہر بھنبھور کے محلوں کے خستہ غریبوں سے سڑک پر بِچھ گئے دعا کرتے فقیروں سے یتیموں سے ضعیفوں سے، دلوں کے بادشاہوں سے نیازوں میں، دعاؤں میں صداؤں میں پکارا ہے اماوس رات میں اُٹھ کر خلاؤں میں پکارا ہے پُنل تم کیوں نہیں آئے؟ پرانی خانقاہوں میں، شہر کے آستانوں پر بازاروں مسجدوں میں، مرقدوں میں دیکھ لو جا کر کہیں تعویز ہیں کہیں دھاگے بندہے ہوں گے کہیں دیوار پہ کچھ خون کے چھینٹے پڑے ہوں گے کہیں ماتھے گڑے ہوں گے، کہیں گھٹنے چھپے ہوں گے پُنل منظر دُہائی ہے کہ میں نے بے نشانی سے نشاں تک تم کو مانگا ہے تمہارے کیچ کے رستے پہ میں ہر شام روتی تھی ہر اک راہگیر کے پیروں کو پکڑ کر التجا کرتی کہ میرا خان لوٹا دو میرا ایمان لوٹا دو کوئی ہنستا، کوئی روتا، کوئی سِکہ بڑھا دیتا کوئی تمہارے رستے کی مسافت کا پتہ دیتا وہ سارے لوگ جھوٹے تھے سبھی پیمان کچے تھے پُنل تم ایک سچے تھے پُنل تم کیوں نہیں آئے؟ پُنل بھنبھور کی گلیاں وہ کچی اینٹ کی نلیاں جنہوں نے خادماؤں کا کبھی چہرہ نہیں دیکھا انہوں نے ایک شہزادی کا نوحہ سن لیا آخر بھڑک جاتی ہیں وہ ایسے اماوس رات میں جیسے کسی خوابوں میں لپٹی ماں کا بچہ جاگ جاتا ہے وہ سرگوشی میں کہتی ہیں کہ؛ دیکھو بھوک سے اونچا بھی کوئی روگ ہے دل کا سنا کرتے تھے کہ یہ کام ہے بس پیرِ کامل کا کہ وہ الفت کو مٹی سے بڑا اعجاز کر ڈالے یہ کس گندی نے افشاں زندگی کے راز کر ڈالے پُنل میں گندی مندی ہو گئی میں یار کی بندی سو میری ذات سے پاکیزگی کا کھوجنا کیسا پُنل اب لوٹنا کیسا؟ خدا کے واسطے مت دو خدا کے پاس بیٹھی ہو رنگین خانۂ کرب و بلا کے پاس بیٹھی ہو جہاں سے روشنی جیسی دعائيں لوٹ آتی ہیں زمیں سنگلاخ ویرانہ جہاں پر جانے والے لوٹ کر آتے نہیں لیکن صدائیں لوٹ آتی ہیں پُنل آواز مت دینا کہ میں اب آواز کی دنیا سے آگے کی کہانی ہوں میں ان شہروں کی رانی ہوں جہاں میں سوچ کے بستر پہ زلفیں کھول سکتی ہوں جہاں پر وقت ساکت ہے نگاہِ یار کی صورت جہاں پر عاشقوں کے جسم سے انوار کی صورت محبت پھوٹ کر اک بے کراں نالے میں رقصاں ہے مگر آواز مت دینا کہ ہر آواز صدمہ ہے پُنل آواز مت دینا کہاں اس لامکاں نگری میں ماتم کرنے آئے ہو پُنل واپس چلے جاؤ یہاں کوئی نہیں رہتا سوائے ریگِ بسمل کے پُنل یہ ریت کے ذرّے یہ خواہش کے فرشتے ہیں انہیں کیا علم کہ وہ پار تیرے کیچ کے جیسا یہ اونٹوں کی قطاریں میرے اشکوں کی قطاریں ہیں جو میرے باغ کے صحرا کے ٹیلے سے گزرتی ہیں تو میرے ذہن کے سُوکھے کنويں تک رینگ جاتی ہیں انہیں کیا علم کہ وہ سُوکھا کنواں بھنبھور کے جیسا یہ ریت کے ٹیلے یہ اعلامِ حقیقت ہیں نہ جانے کتنے احراموں تلے محبت ہے کہاں اس لامکاں نگری میں ماتم کرنے آئے ہو تمہارے اشک اور نوحے یہاں کچھ کر نہیں سکتے انہیں کہنا جو کہتے تھے فسانے مر نہیں سکتے انہیں کہنا کہ وہ سسی جو آدم خانزادی تھی جسے دل نے صدا دی تھی جو اشکوں کی منادی تھی وہ سسی ہجر کی رسی سے لٹکی مر گئی کب سے طلاقیں لے کے پردیسی سہاگن گھر گئی کب سے یہاں کوئی نہیں رہتا سوائے ریگِ بسمل کے پُنل واپس چلے جاؤ عمران فیروز
English rendering
Punnūñ ab lauṭnā kaisā? Muhabbat khānzāde ke haram mein gaṛ gaī ab to Mere har khwāb pe miṭṭī kī chādar chaṛh gaī ab to Mere ishve mere ghamze adāeñ mar gaīñ ab to Sadāeñ mar gaīñ ab to Punnūñ ab lauṭnā kaisā? Punnūñ sahrā gavāhī hai Ye sāñsoñ kī tanāboñ par tanā khaima gavāhī hai Hathelī kī darāṛoñ par chhupe āñsū gavāhī haiñ Ki maiñ ne intihā tak intihā se tum ko māñgā hai Shahar Bhambhor ke mahaloñ ke khasta gharīboñ se Saṛak par bichh gae du'ā karte faqīroñ se Yatīmoñ se za'īfoñ se, diloñ ke bādshāhoñ se Niyāzoñ mein, du'āoñ mein sadāoñ mein pukārā hai Amāvas rāt mein uṭh kar khalāoñ mein pukārā hai Punnūñ tum kyuñ nahīñ āye? Purānī khānqāhoñ mein, shahar ke āstānoñ par Bāzāroñ masjidoñ mein, marqadoñ mein dekh lo jā kar Kahīñ ta'wīz haiñ kahīñ dhāge bandhe hoñge Kahīñ dīvār pe kuchh khoon ke chhīñṭe paṛe hoñge Kahīñ māthe gaṛe hoñge, kahīñ ghuṭne chhupe hoñge Punnūñ manzar duhāī hai Ki maiñ ne be-nishānī se nishāñ tak tum ko māñgā hai Tumhāre Kīch ke raste pe maiñ har shām rotī thī Har ik rāhgīr ke pairoñ ko pakaṛ kar iltijā kartī Ki merā khān luṭā do Merā īmān luṭā do Koī hanstā, koī rotā, koī sikka baṛhā detā Koī tumhāre raste kī masāfat kā pata detā Vah sāre log jhūṭe the Sabhī paimān kachche the Punnūñ tum ek sacche the Punnūñ tum kyuñ nahīñ āye? Punnūñ Bhambhor kī galiyāñ Vah kachī īñṭ kī naliyāñ Jinhoñ ne khādimāoñ kā kabhī chehra nahīñ dekhā Inhoñ ne ek shahzādī kā nauha sun liyā ākhar Bhaṛak jātī haiñ vah aise amāvas rāt mein jaise Kisī khwāboñ mein lipṭī māñ kā bachcha jāg jātā hai Vah sargoshī mein kahtī haiñ ki; dekho Bhūkh se ūñchā bhī koī rog hai dil kā Sunā karte the ki ye kām hai bas Pīr-e-Kāmil kā Ki vah ulfat ko miṭṭī se baṛā i'jāz kar ḍāle Ye kis gandī ne afshāñ zindagī ke rāz kar ḍāle Punnūñ maiñ gandī mandī ho gaī maiñ yār kī bandī So merī zāt se pākīzagī kā khojnā kaisā Punnūñ ab lauṭnā kaisā? Khudā ke wāste mat do Khudā ke pās baiṭhī ho Rangīn khāna-e-karb o balā ke pās baiṭhī ho Jahāñ se roshnī jaisī du'āeñ lauṭ ātī haiñ Zamīn sanglākh vīrāna Jahāñ par jāne wāle lauṭ kar āte nahīñ Lekin sadāeñ lauṭ ātī haiñ Punnūñ āwāz mat denā Ki maiñ ab āwāz kī duniyā se āge kī kahānī huuñ Maiñ un shahroñ kī rānī huuñ Jahāñ maiñ soch ke bistar pe zulfeñ khol saktī huuñ Jahāñ par waqt sākit hai nigāh-e-yār kī sūrat Jahāñ par āshiqoñ ke jism se anwār kī sūrat Muhabbat phūṭ kar ik be-karāñ nāle mein raqsāñ hai Magar āwāz mat denā Ki har āwāz sadma hai Punnūñ āwāz mat denā Kahāñ is lā-makāñ nagrī mein mātam karne āye ho Punnūñ wāpas chale jāo Yahāñ koī nahīñ rahtā sivāe reg-e-bismil ke Punnūñ ye ret ke zarre Ye khwāhish ke farishte haiñ Inheñ kyā ilm ki vah pār tere Kīch ke jaisā Ye ūñṭoñ kī qatāreñ Mere ashkoñ kī qatāreñ haiñ Jo mere bāgh ke sahrā ke ṭīle se guzartī haiñ To mere zehn ke sūkhe kuñeñ Tak reñg jātī haiñ Inheñ kyā ilm ki vah sūkhā kuñāñ Bhambhor ke jaisā Ye ret ke ṭīle ye i'lām-e-haqīqat haiñ Na jāne kitne ahrāmoñ tale muhabbat hai Kahāñ is lā-makāñ nagrī mein mātam karne āye ho Tumhāre ashk aur nauhe yahāñ kuchh kar nahīñ sakte Inheñ kahnā jo kahte the fasāne mar nahīñ sakte Inheñ kahnā ki vah Sassī jo Ādam Khānzādī thī Jise dil ne sadā dī thī jo ashkoñ kī munādī thī Vah Sassī hijr kī rassī se laṭkī mar gaī kab se Talāqeñ le ke pardesī suhāgan ghar gaī kab se Yahāñ koī nahīñ rahtā sivāe reg-e-bismil ke Punnūñ wāpas chale jāo Imrān Fīroz