حیرتِ عشق سے نکلوں تو کدھر جاؤں میں

حیرتِ عشق سے نکلوں تو کدھر جاؤں میں ایک صورت نظر آتی ہے جدھر جاؤں میں یہ بھی ممکن ہے کہ ہر سانس سزا ہو جائے ہو بھی سکتا ہے جدائی میں سنور جاؤں میں یوں مسلسل مجھے تکنے کی نہ عادت ڈالو یہ نہ ہو آنکھ جو جھپکو تو بکھر جاؤں میں کیا ترے دل پہ قیامت بھی بھلا ٹوٹے گی؟ گر تجھے دیکھ کے چپ چاپ گزر جاؤں میں دیکھو انجام تو دینے ہیں امورِ دنیا جی تو کرتا ہے ترے پاس ٹھہر جاؤں میں تھام رکھا ہے جو تُو نے تو سلامت ہے بدن تُو اگر ہاتھ چھڑا لے تو بکھر جاؤں میں جس قدر بگڑا ہوا ہوں میں یہی سوچتا ہوں کب ترے ہاتھ لگوں اور سُدھر جاؤں میں کون ہے ، بول مرا، میری اداسی ! تجھ بن تُو بھی گر پاس نہ آئے تو کدھر جاؤں میں یہ مری عمر فقط چاہ میں تیری گزرے مر نہ جاؤں جو ترے دل سے اتر جاؤں میں

— زین شکیل

English rendering

Hairat-e-ishq se niklun to kidhar jaaun main Ek soorat nazar aati hai jidhar jaaun main Yeh bhi mumkin hai ke har saans saza ho jaye Ho bhi sakta hai judai mein sanwar jaaun main Yun musalsal mujhe takne ki na aadat daalo Yeh na ho aankh jo jhapko to bikhar jaaun main Kya tere dil pe qayamat bhi bhala toote gi? Gar tujhe dekh ke chup chaap guzar jaaun main Dekho anjaam to dene hain umoor-e-duniya Jee to karta hai tere paas thehar jaaun main Thaam rakha hai jo tu ne to salamat hai badan Tu agar haath chhura le to bikhar jaaun main Jis qadar bigra hua hoon main yahi sochta hoon Kab tere haath lagun aur sudhar jaaun main Kaun hai, bol mera, meri udasi! Tujh bin Tu bhi gar paas na aaye to kidhar jaaun main Yeh meri umr faqat chah mein teri guzre Mar na jaaun jo tere dil se utar jaaun main

‹ کلام کی فہرست پر واپس