خود ہنگامہ آرا ہے یا بد ہنگام محبت
خود ہنگامہ آرا ہے یا بد ہنگام محبت کیونکر ہے مدت سے یارو تشنہ کام محبت چاہ، خلوص، مروت، خدمت سارے روپ تمہارے دیکھو تو ہیں جگ میں کتنے تیرے نام محبت خواہش اٹھنے لگتی ہے تو مر جاتی ہے فوراً بول ہمارے پاس ہے کیا اب تیرا کام محبت اک ہم ہیں اور ایک زمانہ آتش زن صدیوں سے اور کرے گی تُو ہم کو کتنا بدنام، محبت! جو تھا، جتنا تھا، جیسا تھا قدموں میں رکھ چھوڑا جانے کس لمحے پائے گی تُو انجام، محبت جذبوں کی سچائی میں گر فرق ذرا آ جائے ایسے میں اکثر ہو جاتی ہے ناکام، محبت تُو تھی سادہ، کملی جھلّی، پھر کیوں بدلے چہرے؟ جا اب زیادہ چھڑ ہمیں مت، اے مادام محبت! بس اک بار خلاصی ہو تو اس کے بعد کبھی پھر بھولے سے بھی لیں گے نہ ہم تیرا نام محبت اس سے بڑھ کر حیف نہیں اب میں تجھ پہ کر سکتا آہ محبت، وائے محبت، بد فرجام محبت زین ہمارے پاس متاعِ درد بچی ہے، جس میں اک بے سود اداسی ہے اور اک بے نام محبت
English rendering
Khud hungama aara hai ya bad hungam mohabbat Kyun kar hai muddat se yaaro tishna kaam mohabbat Chah, khuloos, murawwat, khidmat saare roop tumhare Dekho toh hain jag mein kitne tere naam mohabbat Khwahish uthne lagti hai toh mar jaati hai fauran Bol hamare paas hai kya ab tera kaam mohabbat Ik hum hain aur ik zamana aatish zan sadiyon se Aur karegi tu hum ko kitna badnaam, mohabbat! Jo tha, jitna tha, jaisa tha qadmon mein rakh chhoda Jaane kis lamhe paaye gi tu anjaam, mohabbat Jazbon ki sachai mein gar farq zara aa jaaye Aise mein aksar ho jaati hai nakaam, mohabbat Tu thi sada, kamli jhalli, phir kyun badle chehre? Ja ab ziyada chhed humein mat, aye madam mohabbat! Bas ik baar khalasi ho toh us ke baad kabhi phir Bhoole se bhi lenge na hum tera naam mohabbat Is se badh kar haif nahin ab main tujh pe kar sakta Aah mohabbat, waye mohabbat, bad farjam mohabbat Zain hamare paas mata-e-dard bachi hai, jis mein Ik be sood udasi hai aur ik be naam mohabbat