خود کو میں توڑ کے پھر جوڑ کے لاؤں! جاؤں؟

خود کو میں توڑ کے پھر جوڑ کے لاؤں! جاؤں؟ یعنی اب میں نہ کوئی بات سناؤں؟ جاؤں؟ تم بھی پہلی سی توجہ نہیں دیتے مجھ پر جی تو کرتا ہے تمہیں اب نہ ستاؤں، جاؤں! ایک مدت سے بلایا جو نہیں ہے تُو نے اب یہ حسرت ہے ترے شہر میں آؤں، جاؤں! شہر نے چھین لیا مجھ سے مِرا بھولا پن سوچتا ہوں کہ میں اب گاؤں بھی آؤں، جاؤں! اب تجھے روکنا اچھا بھی نہیں لگتا ناں تو نے بھی رَٹ ہی لگا لی ہے کہ جاؤں، جاؤں؟

— زین شکیل

English rendering

khud ko main tod ke phir jod ke laaun! jaaun? yaani ab main na koi baat sunaun? jaaun? tum bhi pehli si tawajjo nahin dete mujh par jee to karta hai tumhen ab na sataun, jaaun! ek muddat se bulaya jo nahin hai tu ne ab ye hasrat hai tere shahar mein aaun, jaaun! shahar ne chheen liya mujh se mera bhola pan sochta hun ke main ab gaon bhi aaun, jaaun! ab tujhe rokna achha bhi nahin lagta naan tu ne bhi rat hi laga li hai ke jaaun, jaaun?

‹ کلام کی فہرست پر واپس