زین شکیل

English rendering

Kis ne hansti hui tasweer ke aansoo poonchhe Kaash koi meri taqdeer ke aansoo poonchhe Woh kuchh aise kisi tamheed se bahar nikla Aur us ne meri tehreer ke aansoo poonchhe Kaun is aabla paayi pe lagaye marham Kaun pairon par padi zanjeer ke aansoo poonchhe Neend ke dard sabhi baantne wala aakhir Kis tarah khwab ki taabir ke aansoo poonchhe Ek muddat se saza kaat raha hoon, ab to Koi aa kar meri taqseer ke aansoo poonchhe Sab fasoon toot gaye Zain zabaan ke aakhir Ab koi lahja-e-taskheer ke aansoo poonchhe