محبت کے سبھی موسم گزرتے جا رہے ہیں تم چلے آؤ

محبت کے سبھی موسم گزرتے جا رہے ہیں تم چلے آؤ سہارے، سب ستارے چاند سے گھبرا رہے ہیں تم چلے آؤ کہا بھی تھا بچھڑ جانے سے اچھا تھا کبھی نہ تم ملے ہوتے سنو! اب درد سارے طنز کرتے جا رہے ہیں تم چلے آؤ تمہارے ہجر کو آباد رکھا ہے مری آنکھوں نے رو رو کر مرے آنسو حدوں کو پار کرتے جا رہے ہیں تم چلے آؤ ہوائیں سخت بے چینی کے عالم میں مرے چہرے کو چھوتی ہیں مجھے اک ایک کر کے درد ملتے جا رہے ہیں تم چلے آؤ مجھے تم نے کہا تھا روح سے اب تو جدائی ہو نہیں سکتی سو میری روح پر پیوند لگتے جا رہے ہیں تم چلے آؤ ہم اُس کے شہر کی ساری ہی دیواروں پہ یہ پیغام لکھ آئے تمہارے شہر سے ہم ہاتھ ملتے جا رہے ہیں تم چلے آؤ بھلا میں کس طرح اب زینؔ غیروں سے گلہ کرنے چلا جاؤں مرے اپنے بھی اب چہرہ بدلتے جا رہے ہیں تم چلے آؤ

— زین شکیل

English rendering

Mohabbat ke sabhi mausam guzarte ja rahe hain tum chale aao Sahare, sab sitare chand se ghabra rahe hain tum chale aao Kaha bhi tha bichhad jaane se achha tha kabhi na tum mile hote Suno! ab dard sare tanz karte ja rahe hain tum chale aao Tumhare hijr ko abad rakha hai meri aankhon ne ro ro kar Mere aansu hadon ko paar karte ja rahe hain tum chale aao Hawaen sakht be-chaini ke alam mein mere chehre ko chhooti hain Mujhe ek ek kar ke dard milte ja rahe hain tum chale aao Mujhe tum ne kaha tha rooh se ab to judai ho nahin sakti So meri rooh par paiwand lagte ja rahe hain tum chale aao Hum us ke shehr ki sari hi deewaron pe ye paigham likh aaye Tumhare shehr se hum haath malte ja rahe hain tum chale aao Bhala main kis tarah ab Zain ghairon se gila karne chala jaaun Mere apne bhi ab chehra badalte ja rahe hain tum chale aao

‹ کلام کی فہرست پر واپس