تیرگی میں بھی روشنی ہے ناں
تیرگی میں بھی روشنی ہے ناں جو بھی ہے درد دائمی ہے ناں اس قدر بے تکلفی، توبہ سچ بتاؤ یہ دل لگی ہے ناں؟ میں جسے یاد آتا رہتا ہوں وہ مرا دوست مطلبی ہے ناں! اس نے بدلی ہوئی ہیں آنکھیں بھی اس کے لہجے میں برہمی ہے ناں! تُو نے بولاہے ، ہاں بچھڑنا ہے ہاں کا مطلب، ہنسی خوشی، ہے ناں؟ میری آنکھوں میں جو بھی ہے چھوڑو میرے سینے میں بے کلی ہے ناں! تجھ سے لے کر تجھی تلک ہے بس میری اتنی سی زندگی ہے ناں! تو کہو آج کیاا رادہ ہے؟ آج کی شام سرمئی ہے ناں! تُو مری تیسری محبت ہے پہلی تُو، تُو ہی دوسری ہے ناں! خامشی! کیوں تجھے گنواؤں میں؟ تو مجھے وجد میں ملی ہے ناں! شاعری، درد، بے بہا چاہت اب مرے پاس بس یہی ہے ناں! اب ترے اور مرے بچھڑنے کا فیصلہ بھی تو باہمی ہے ناں! اب مجھے یاد تو نہ آؤ گے؟ یعنی یہ ہچکی آخری ہے ناں؟؟؟"
English rendering
Tareegi mein bhi roshni hai naan Jo bhi hai dard da'imi hai naan Is qadar be takallufi, taubah Sach batao yeh dil lagi hai naan? Main jise yaad aata rehta hoon Woh mera dost matlabi hai naan! Us ne badli hui hain aankhen bhi Us ke lahje mein barhami hai naan! Tu ne bola hai, haan bichhadna hai Haan ka matlab, hanshi khushi, hai naan? Meri aankhon mein jo bhi hai chhodo Mere seene mein be kali hai naan! Tujh se le kar tujhi talak hai bas Meri itni si zindagi hai naan! Tu kaho aaj kya irada hai? Aaj ki shaam surmai hai naan! Tu meri teesri mohabbat hai Pehli tu, tu hi doosri hai naan! Khamoshi! Kyun tujhe ganwaoon main? Tu mujhe wajood mein mili hai naan! Shayari, dard, be baha chahat Ab mere paas bas yehi hai naan! Ab tere aur mere bichhadne ka Faisla bhi toh baahami hai naan! Ab mujhe yaad toh na aao ge? Yaani yeh hichki aakhiri hai naan???