یوں کہانی تو سنانی نہیں آتی مجھ کو

یوں کہانی تو سنانی نہیں آتی مجھ کو کیا کروں بات گھمانی نہیں آتی مجھ کو کر دیا کرتے ہیں آنسو مرے غم کو ظاہر اک نشانی بھی چھپانی نہیں آتی مجھ کو عشق کرتب تو نہیں ہے مِرے معصوم صِفَت جھیل میں آگ لگانی نہیں آتی مجھ کو تم بھی اب دن میں ملاقات کی زحمت کرنا چاندنی رات چرانی نہیں آتی مجھ کو اپنی جانب تجھے کس ڈھب سے کروں گا مائل اک توجہ بھی دلانی نہیں آتی مجھ کو وہ جو پہلے بھی بتاتے ہوئے دل ڈرتا تھا اب بھی وہ بات بتانی نہیں آتی مجھ کو دن نکلنے کو ہے سو جاؤ خدارا اب تو کوئی پریوں کی کہانی نہیں آتی مجھ کو

— زین شکیل

English rendering

Yun kahani to sunani nahin aati mujh ko Kya karun baat ghumani nahin aati mujh ko Kar diya karte hain aansu mere gham ko zahir Ek nishani bhi chhupani nahin aati mujh ko Ishq kartab to nahin hai mere masoom sifat Jheel mein aag lagani nahin aati mujh ko Tum bhi ab din mein mulaqat ki zehmat karna Chandni raat churani nahin aati mujh ko Apni jaanib tujhe kis dhab se karun ga mayal Ek tawajjuh bhi dilani nahin aati mujh ko Woh jo pehle bhi batate hue dil darta tha Ab bhi woh baat batani nahin aati mujh ko Din nikalne ko hai so jao khudara ab to Koi pariyoun ki kahani nahin aati mujh ko

‹ کلام کی فہرست پر واپس