گرد سفر میں راہ نے دیکھا نہیں مجھے
گرد سفر میں راہ نے دیکھا نہیں مجھے اک عمر مہر و ماہ نے دیکھا نہیں مجھے اچھا ہوا کہ خاک نشینوں کے رو بہ رو اس شہر کج کلاہ نے دیکھا نہیں مجھے میں دیکھتا تھا رنگ بدلتی ہوئی نگاہ بدلی ہوئی نگاہ نے دیکھا نہیں مجھے میری صدا وہاں پہ تجھے کیسے ڈھونڈتی تیری جہاں پناہ نے دیکھا نہیں مجھے ہر موج درد خود میں اتارے چلا گیا ساحلؔ دل تباہ نے دیکھا نہیں مجھے
English rendering
Gard-e-safar mein raah ne dekha nahin mujhe Ek umr mehr o mah ne dekha nahin mujhe Achha hua keh khaak nasheenon ke ru ba ru Is shehr-e-kaj-kulah ne dekha nahin mujhe Main dekhta tha rang badalti hui nigah Badli hui nigah ne dekha nahin mujhe Meri sada wahan pe tujhe kaise dhoondti Teri jahan panah ne dekha nahin mujhe Har mauj-e-dard khud mein utaare chala gaya Sahil-e-dil-tabah ne dekha nahin mujhe