آخرش اس بحر کی تہ میں اتر جانے کے دن
آخرش اس بحر کی تہ میں اتر جانے کے دن زندہ رہنے کی تمنا اور مر جانے کے دن انگلیوں پر گنتے رہتے تھے کب آئے گی بہار اور بہار آئی تو آ پہنچے بکھر جانے کے دن ایک وہ راتیں کہ پرچھائیں سے خوف آتا نہ تھا ایک یہ دن اپنے ہی سائے سے ڈر جانے کے دن روز رخصت ہے ہمارا یہ کہ روز واقعہ دل نے سامان سفر باندھا ہے گھر جانے کے دن اندر اندر کیسے موسم چل رہے ہیں الاماں یہ جھلس جانے کی راتیں یہ ٹھٹھر جانے کے دن وقت کا چکر بھی ہے کچھ ذہن کا الجھاؤ بھی ہوں رواں کس سمت کو اور ہیں کدھر جانے کے دن دل کی دھڑکن تیز ہوتی جا رہی ہے آفتابؔ ہو نہ ہو اپنے بھی ہیں اب کوچ کر جانے کے دن
English rendering
Aakhirash is bahr ki teh mein utar jaane ke din Zinda rehne ki tamanna aur mar jaane ke din Ungliyon par ginte rehte the kab aayegi bahaar Aur bahaar aayi to aa pahuche bikhar jaane ke din Ek woh raaten ke parchhaiyan se khauf aata na tha Ek yeh din apne hi saaye se dar jaane ke din Roz rukhsat hai hamara yeh ke roz waqea Dil ne saman-e-safar bandha hai ghar jaane ke din Andar andar kaise mausam chal rahe hain alamaan Yeh jhulas jaane ki raaten yeh thithhur jaane ke din Waqt ka chakkar bhi hai kuch zehn ka uljhao bhi Hoon rawan kis simt ko aur hain kidhar jaane ke din Dil ki dhadkan tez hoti ja rahi hai Aftab Ho na ho apne bhi hain ab kooch kar jaane ke din