دل میں جو کچھ ہے کہو سوچو مت
دل میں جو کچھ ہے کہو سوچو مت ارے اب کہہ بھی چکو سوچو مت سوچنے ہی سے پریشانی ہے مت پریشان رہو سوچو مت منزل شوق کسے ملتی ہے بس یوںہی چلتے چلو سوچو مت آج پھر رنگ پہ ہے وہ دریا دیکھ کر کود پڑو سوچو مت عشق کا کام ہے سبحان اللہ سوچتے کیا ہو کرو سوچو مت بحر میں ہو کہ کسی لہر میں ہو شعر کہتے ہو کہو سوچو مت دیکھتے جاؤ دکھاتا ہے جو دہر دیکھو اے دیدہ ورو سوچو مت سوچتے رہنے سے کیا ہوتا ہے اٹھ کے کچھ کام کرو سوچو مت آفتابؔ اب یہ کہیں کیا تم سے اتنے پاگل نہ بنو سوچو مت
English rendering
Dil mein jo kuch hai kaho socho mat Arre ab keh bhi chuko socho mat Sochne hi se pareshani hai Mat pareshaan raho socho mat Manzil-e-shauq kise milti hai Bas yunhi chalte chalo socho mat Aaj phir rang pe hai woh darya Dekh kar kood paRo socho mat Ishq ka kaam hai Subhanallah Sochte kya ho karo socho mat Behr mein ho ke kisi lehar mein ho Sher kehte ho kaho socho mat Dekhte jao dikhata hai jo dehr Dekho ae deeda waro socho mat Sochte rehne se kya hota hai Uth ke kuch kaam karo socho mat Aftab! ab yeh kahein kya tum se Itne paagal na bano socho mat