ہر پھول ہے ہواؤں کے رخ پر کھلا ہوا
ہر پھول ہے ہواؤں کے رخ پر کھلا ہوا اور میں ہوں اپنے خواب کے اندر کھلا ہوا یہ میں جو رات دن نہیں اپنے حواس میں وہ باغ ہے ضرور کہیں پر کھلا ہوا کچھ میرے سر کو بھی تھی مہک سی چڑھی ہوئی کچھ وہ بھی سامنے تھا برابر کھلا ہوا خوابوں میں خوشبوئیں سی خیالوں میں رنگ سے یہ باغ ہو اگر کہیں باہر کھلا ہوا کن منظروں میں مجھ کو مہکنا تھا آفتابؔ کس ریگزار پر ہوں میں آ کر کھلا ہوا
English rendering
Har phool hai hawaaon ke rukh par khula hua Aur main hoon apne khwaab ke andar khula hua Yeh main jo raat din nahin apne hawaas mein Woh baagh hai zaroor kahin par khula hua Kuchh mere sar ko bhi thi mehak si charhi hui Kuchh woh bhi saamne tha barabar khula hua Khwaabon mein khushbooen si khayalon mein rang se Yeh baagh ho agar kahin bahar khula hua Kin manzaron mein mujh ko mehakna tha Aftaab Kis regzaar par hoon main aa kar khula hua