آفتاب حسین

English rendering

Munafiqat ka nisaab padh kar muhabbaton ki kitaab likhna Bahut kathin hai khizaan ke maathe pe daastaan-e-gulaab likhna Main jab chalunga to regzaaron mein ulfaton ke kanwal khulenge Hazaar tum mere raaston mein muhabbaton ke saraab likhna Firaaq mausam ki chilmanon se visaal lamhe chamak uthenge Udaas shaamon mein kaagaz-e-dil pe guzre waqton ke baab likhna Woh meri khwahish ki loh-e-tishna pe zindagi ke sawaal ubharna Woh us ka harf-e-karam se apne qabooliyat ke jawaab likhna Gaye zamaanon ki dard kajlayi bhooli bisri kitaab padh kar Jo ho sake tum se aane wale dinon ke rangeen khwab likhna