احمد مشتاق

English rendering

Ek umar ki aur zaroorat hai wohi shaam o sahar karne ke liye Woh baat jo tum se keh na sake use baar-e-digar karne ke liye Kabhi zikr kiya teri zulfon ka aur jaati shaam ko rok liya Kabhi yaad kiya tere chehre ko aghaz-e-sahar karne ke liye Footpath pe bhi sone na diya tere shahar ke izzat-daron ne Hum kitni door se aaye the ek raat basar karne ke liye Us aankh ne jis ki qismat mein sachmuch ke dar o deewar na the Khwabon ke nagar abad kiye hasrat ki nazar karne ke liye Is be-has duniya ke aage kisi lehr ki pesh nahin jaati Ab bahr ka bahr uchhal koi use zer-o-zabar karne ke liye