خواب کے پھولوں کی تعبیریں کہانی ہو گئیں
خواب کے پھولوں کی تعبیریں کہانی ہو گئیں خون ٹھنڈا پڑ گیا آنکھیں پرانی ہو گئیں جس کا چہرہ تھا چمکتے موسموں کی آرزو اس کی تصویریں بھی اوراق خزانی ہو گئیں دل بھر آیا کاغذ خالی کی صورت دیکھ کر جن کو لکھنا تھا وہ سب باتیں زبانی ہو گئیں جو مقدر تھا اسے تو روکنا بس میں نہ تھا ان کا کیا کرتے جو باتیں ناگہانی ہو گئیں رہ گیا مشتاقؔ دل میں رنگ یاد رفتگاں پھول مہنگے ہو گئے قبریں پرانی ہو گئیں
English rendering
Khwab ke phoolon ki tabeeren kahani ho gayin Khoon thanda pad gaya aankhen puraani ho gayin Jis ka chehra tha chamakte mausmon ki aarzoo Uski tasveeren bhi auraaq-e-khizani ho gayin Dil bhar aaya kaagaz khaali ki soorat dekh kar Jin ko likhna tha woh sab baaten zabaani ho gayin Jo muqaddar tha usay toh rokna bas mein na tha Un ka kya karte jo baaten naagahani ho gayin Reh gaya Mushtaq dil mein rang yaad-e-raftagaan Phool mahange ho gaye qabrein puraani ho gayin