ڈھونڈتے کیا ہو ان آنکھوں میں کہانی میری
ڈھونڈتے کیا ہو ان آنکھوں میں کہانی میری خود میں گم رہنا تو عادت ہے پرانی میری بھیڑ میں بھی تمہیں مل جاؤں گا آسانی سے کھویا کھویا ہوا رہنا ہے نشانی میری میں نے اک بار کہا تھا کہ بہت پیاسا ہوں تب سے مشہور ہوئی تشنہ دہانی میری یہی دیوار و در و بام تھے میرے ہم راز انہی گلیوں میں بھٹکتی تھی جوانی میری تو بھی اس شہر کا باسی ہے تو دل سے لگ جا تجھ سے وابستہ ہے اک یاد پرانی میری کربلا دشت محبت کو بنا رکھا ہے کیا غزل گوئی ہے کیا مرثیہ خوانی میری دھیمے لہجے کا سخنور ہوں نہ صہبا ہوں نہ جوش میں کہاں اور کہاں شعلہ بیانی میری
English rendering
Dhoondte kya ho in aankhon mein kahani meri Khud mein gum rehna to aadat hai puraani meri Bheed mein bhi tumhein mil jaunga asaani se Khoya khoya hua rehna hai nishaani meri Main ne ek baar kaha tha ke bahut pyaasa hoon Tab se mash'hoor hui tashna-dahani meri Yahi deewar-o-dar-o-baam thhey mere ham-raaz Inhi galiyon mein bhatakti thi jawaani meri Tu bhi us shehar ka baasi hai tu dil se lag ja Tujh se waabasta hai ek yaad puraani meri Karbala-e-dasht-e-mohabbat ko bana rakha hai Kya ghazal goyi hai kya marsiya khwani meri Dheeme lehje ka sukhanwar hoon na sehba hoon na josh Main kahan aur kahan shola bayaani meri