جو خیال تھے نہ قیاس تھے وہی لوگ مجھ سے بچھڑ گئے
جو خیال تھے نہ قیاس تھے وہی لوگ مجھ سے بچھڑ گئے جو محبتوں کی اساس تھے وہی لوگ مجھ سے بچھڑ گئے جنہیں مانتا ہی نہیں یہ دل وہی لوگ میرے ہیں ہم سفر مجھے ہر طرح سے جو راس تھے وہی لوگ مجھ سے بچھڑ گئے مجھے لمحہ بھر کی رفاقتوں کے سراب اور ستائیں گے مری عمر بھر کی جو پیاس تھے وہی لوگ مجھ سے بچھڑ گئے یہ خیال سارے ہیں عارضی یہ گلاب سارے ہیں کاغذی گل آرزو کی جو باس تھے وہی لوگ مجھ سے بچھڑ گئے جنہیں کر سکا نہ قبول میں وہ شریک راہ سفر ہوئے جو مری طلب مری آس تھے وہی لوگ مجھ سے بچھڑ گئے مری دھڑکنوں کے قریب تھے مری چاہ تھے مرا خواب تھے وہ جو روز و شب مرے پاس تھے وہی لوگ مجھ سے بچھڑ گئے
English rendering
Jo khayaal thhey na qayaas thhey wahi log mujh se bichhad gaye Jo muhabbaton ki asaas thhey wahi log mujh se bichhad gaye Jinhein maanta hi nahin ye dil wahi log mere hain ham-safar Mujhe har tarah se jo raas thhey wahi log mujh se bichhad gaye Mujhe lamha bhar ki rafaqaton ke saraab aur satayenge Meri umar bhar ki jo pyaas thhey wahi log mujh se bichhad gaye Ye khayaal saare hain aarzi ye gulaab saare hain kaghazi Gul aarzoo ki jo baas thhey wahi log mujh se bichhad gaye Jinhein kar saka na qabool main woh shareek raah-e-safar hue Jo meri talab meri aas thhey wahi log mujh se bichhad gaye Meri dhadkanon ke qareeb thhey meri chaah thhey mera khwaab thhey Woh jo roz-o-shab mere paas thhey wahi log mujh se bichhad gaye