اپنے پہلو سے وہ غیروں کو اٹھا ہی نہ سکے
اپنے پہلو سے وہ غیروں کو اٹھا ہی نہ سکے ان کو ہم قصۂ غم اپنا سنا ہی نہ سکے ذہن میرا وہ قیامت کہ دو عالم پہ محیط آپ ایسے کہ مرے ذہن میں آ ہی نہ سکے دیکھ لیتے جو انہیں تو مجھے رکھتے معذور شیخ صاحب مگر اس بزم میں جا ہی نہ سکے عقل مہنگی ہے بہت عشق خلاف تہذیب دل کو اس عہد میں ہم کام میں لا ہی نہ سکے ہم تو خود چاہتے تھے چین سے بیٹھیں کوئی دم آپ کی یاد مگر دل سے بھلا ہی نہ سکے عشق کامل ہے اسی کا کہ پتنگوں کی طرح تاب نظارۂ معشوق کی لا ہی نہ سکے دام ہستی کی بھی ترکیب عجب رکھی ہے جو پھنسے اس میں وہ پھر جان بچا ہی نہ سکے مظہر جلوۂ جاناں ہے ہر اک شے اکبرؔ بے ادب آنکھ کسی سمت اٹھا ہی نہ سکے ایسی منطق سے تو دیوانگی بہتر اکبرؔ کہ جو خالق کی طرف دل کو جھکا ہی نہ سکے
English rendering
Apne pehlu se woh ghairon ko utha hi na sake Un ko hum qissa-e-gham apna suna hi na sake Zehn mera woh qayamat ki do aalam pe muheet Aap aise ki mere zehn mein aa hi na sake Dekh lete jo unhein to mujhe rakhte maazur Shaikh saahab magar us bazm mein ja hi na sake Aql mehngi hai bahut ishq khilaaf-e-tehzeeb Dil ko is ahd mein hum kaam mein la hi na sake Hum to khud chahte the chain se baithein koi dam Aap ki yaad magar dil se bhula hi na sake Ishq-e-kamil hai usi ka ki patangon ki tarah Taab-e-nazzara-e-mashooq ki la hi na sake Daam-e-hasti ki bhi tarkeeb ajab rakhi hai Jo phanse is mein woh phir jaan bacha hi na sake Mazhar-e-jalwa-e-jaanaan hai har ik shai Akbaar Be-adab aankh kisi simt utha hi na sake Aisi mantiq se to deewangi behtar Akbaar Ki jo khaaliq ki taraf dil ko jhuka hi na sake