برق کلیسا
رات اس مس سے کلیسا میں ہوا میں دو چار ہائے وہ حسن وہ شوخی وہ نزاکت وہ ابھار زلف پیچاں میں وہ سج دھج کہ بلائیں بھی مرید قدر رعنا میں وہ چم خم کہ قیامت بھی شہید آنکھیں وہ فتنۂ دوراں کہ گنہ گار کریں گال وہ صبح درخشاں کہ ملک پیار کریں گرم تقریر جسے سننے کو شعلہ لپکے دلکش آواز کہ سن کر جسے بلبل جھپکے دل کشی چال میں ایسی کہ ستارے رک جائیں سرکشی ناز میں ایسی کہ گورنر جھک جائیں آتش حسن سے تقوے کو جلانے والی بجلیاں لطف تبسم سے گرانے والی پہلوئے حسن بیاں شوخیٔ تقریر میں غرق ترکی و مصر و فلسطین کے حالات میں برق پس گیا لوٹ گیا دل میں سکت ہی نہ رہی سر تھے تمکین کے جس گت میں وہ گت ہی نہ رہی ضبط کے عزم کا اس وقت اثر کچھ نہ ہوا یا حفیظ کا کیا ورد مگر کچھ نہ ہوا ارض کی میں نے کہ اے گلشن فطرت کی بہار دولت و عزت و ایماں ترے قدموں پہ نثار تو اگر عہد وفا باندھ کے میری ہو جائے ساری دنیا سے مرے قلب کو سیری ہو جائے شوق کے جوش میں میں نے جو زباں یوں کھولی ناز و انداز سے تیور کو چڑھا کر بولی غیر ممکن ہے مجھے انس مسلمانوں سے بوئے خوں آتی ہے اس قوم کے انسانوں سے لن ترانی کی یہ لیتے ہیں نمازی بن کر حملے سرحد پہ کیا کرتے ہیں غازی بن کر کوئی بنتا ہے جو مہدی تو بگڑ جاتے ہیں آگ میں کودتے ہیں توپ سے لڑ جاتے ہیں گل کھلائے کوئی میداں میں تو اترا جائیں پائیں سامان اقامت تو قیامت ڈھائیں مطمئن ہو کوئی کیوں کر کہ یہ ہیں نیک نہاد ہے ہنوز ان کی رگوں میں اثر حکم جہاد دشمن صبر کی نظروں میں لگاوٹ آئی کامیابی کی دل زار نے آہٹ پائی عرض کی میں نے کہ اے لذت جاں راحت روح اب زمانے پہ نہیں ہے اثر آدم و نوح شجر طور کا اس باغ میں پودا ہی نہیں گیسوئے حور کا اس دور میں سودا ہی نہیں اب کہاں ذہن میں باقی ہیں براق و رفرف ٹکٹکی بندھ گئی ہے قوم کی انجن کی طرف ہم میں باقی نہیں اب خالد جاں باز کا رنگ دل پہ غالب ہے فقط حافظ شیراز کا رنگ یاں نہ وہ نعرۂ تکبیر نہ وہ جوش سپاہ سب کے سب آپ ہی پڑھتے رہیں سبحان اللہ جوہر تیغ مجاہد ترے ابرو پہ نثار نور ایماں کا ترے آئینۂ رو پہ نثار اٹھ گئی صفحۂ خاطر سے وہ بحث بد و نیک دو دلے ہو رہے ہیں کہتے ہیں اللہ کو ایک موج کوثر کی کہاں اب ہے مرے باغ کے گرد میں تو تہذیب میں ہوں پیر مغاں کا شاگرد مجھ پہ کچھ وجہ عتاب آپ کو اے جان نہیں نام ہی نام ہے ورنہ میں مسلمان نہیں جب کہا صاف یہ میں نے کہ جو ہو صاحب فہم تو نکالو دل نازک سے یہ شبہ یہ وہم میرے اسلام کو اک قصۂ ماضی سمجھو ہنس کے بولی کہ تو پھر مجھ کو بھی راضی سمجھو
English rendering
Raat us miss se kaleesa mein hua main do chaar Haaye woh husn woh shokhi woh nazaakat woh ubhaar Zulf pechaan mein woh saj dhaj ke balaaein bhi mureed Qadd-e-rana mein woh cham kham ke qayamat bhi shaheed Aankhein woh fitna-e-dauraan ke gunahgaar karein Gaal woh subh-e-darakhshaan ke malak pyar karein Garm taqreer jise sunne ko shoala lapke Dilkash aawaz ke sun kar jise bulbul jhapke Dilkashi chaal mein aisi ke sitare ruk jaaein Sarkashi naaz mein aisi ke governor jhuk jaaein Aatish-e-husn se taqwe ko jalane wali Bijliyan lutf-e-tabassum se girane wali Pahlu-e-husn bayan shokhi-e-taqreer mein gharq Turkey o Misr o Palestine ke halaat mein barq Pas gaya loot gaya dil mein saqt hi na rahi Sar the tamkeen ke jis gat mein woh gat hi na rahi Zabt ke azm ka is waqt asar kuch na hua Ya Hafeez ka kiya wird magar kuch na hua Arz ki main ne ke aye gulshan-e-fitrat ki bahar Daulat o izzat o imaan tere qadmon pe nisaar Tu agar ahd-e-wafa baandh ke meri ho jaye Saari duniya se mere qalb ko seeri ho jaye Shauq ke josh mein main ne jo zubaan yun kholi Naaz o andaaz se tewar ko chadha kar boli Ghair mumkin hai mujhe uns musalmanon se Boo-e-khoon aati hai is qaum ke insaanon se Lan taraani ki yeh lete hain namazi ban kar Hamle sarhad pe kya karte hain ghazi ban kar Koi banta hai jo Mehdi to bigad jaate hain Aag mein koodte hain top se lad jaate hain Gul khilaaye koi maidaan mein to itra jaaein Paayein samaan-e-iqaamat to qayamat dhaayein Mutma'in ho koi kyun kar ke yeh hain nek nihaad Hai hanooz un ki ragon mein asar hukm-e-jihaad Dushman-e-sabr ki nazron mein lagaawat aayi Kamyabi ki dil-e-zaar ne aahat paayi Arz ki main ne ke aye lazzat-e-jaan rahat-e-rooh Ab zamane pe nahin hai asar Aadam o Nooh Shajar-e-Toor ka is baagh mein pauda hi nahin Gesu-e-Hoor ka is daur mein sauda hi nahin Ab kahan zehan mein baaqi hain Buraq o Rafraf Tik tiki bandh gayi hai qaum ki engine ki taraf Hum mein baaqi nahin ab Khalid jaanbaaz ka rang Dil pe ghaalib hai faqat Hafiz-e-Shiraz ka rang Yaan na woh naara-e-takbeer na woh josh-e-sipaah Sab ke sab aap hi padhte rahein Subhan Allah Jauhar-e-tegh-e-mujaahid tere abroo pe nisaar Noor-e-imaan ka tere aaina-e-ru pe nisaar Uth gayi safha-e-khaatir se woh bahs bad o nek Do-dille ho rahe hain kehte hain Allah ko ek Mauj-e-Kausar ki kahan ab hai mere baagh ke gird Main to tehzeeb mein hoon peer-e-mughan ka shaagird Mujh pe kuch wajah-e-itaab aap ko aye jaan nahin Naam hi naam hai warna main musalman nahin Jab kaha saaf yeh main ne ke jo ho sahib-e-fehm To nikalo dil-e-nazuk se yeh shubha yeh wahm Mere Islam ko ek qissa-e-maazi samjho Hans ke boli ke tu phir mujh ko bhi raazi samjho