دنیا میں ہوں دنیا کا طلب گار نہیں ہوں
دنیا میں ہوں دنیا کا طلب گار نہیں ہوں بازار سے گزرا ہوں خریدار نہیں ہوں زندہ ہوں مگر زیست کی لذت نہیں باقی ہر چند کہ ہوں ہوش میں ہشیار نہیں ہوں اس خانۂ ہستی سے گزر جاؤں گا بے لوث سایہ ہوں فقط نقش بہ دیوار نہیں ہوں افسردہ ہوں عبرت سے دوا کی نہیں حاجت غم کا مجھے یہ ضعف ہے بیمار نہیں ہوں وہ گل ہوں خزاں نے جسے برباد کیا ہے الجھوں کسی دامن سے میں وہ خار نہیں ہوں یا رب مجھے محفوظ رکھ اس بت کے ستم سے میں اس کی عنایت کا طلب گار نہیں ہوں گو دعوی تقوی نہیں درگاہ خدا میں بت جس سے ہوں خوش ایسا گنہ گار نہیں ہوں افسردگی و ضعف کی کچھ حد نہیں اکبرؔ کافر کے مقابل میں بھی دیں دار نہیں ہوں
English rendering
Duniya mein hoon duniya ka talabgaar nahin hoon Bazaar se guzra hoon khareedaar nahin hoon Zinda hoon magar zeest ki lazzat nahin baaqi Har chand ke hoon hosh mein hoshiyaar nahin hoon Is khana-e-hasti se guzar jaunga be-laus Saya hoon faqat naqsh-ba-deewar nahin hoon Afsurda hoon ibarat se dawa ki nahin haajat Gham ka mujhe yeh zof hai beemar nahin hoon Woh gul hoon khizaan ne jise barbaad kiya hai Uljhoon kisi daaman se main woh khaar nahin hoon Ya Rabb mujhe mehfooz rakh us but ke sitam se Main us ki inayat ka talabgaar nahin hoon Go daway-e-taqwa nahin dargah-e-Khuda mein But jis se hoon khush aisa gunahgaar nahin hoon Afsurdagi-o-zof ki kuch had nahin Akbar Kafir ke muqabil mein bhi deen daar nahin hoon