اکبر اللہ آبادی

English rendering

Halqe nahin hain zulf ke halqe hain jaal ke Haan aye nigah-e-shauq zara dekh bhaal ke Pahunche hain ta kamar jo tere gaisoo-e-rasa Ma'ani yeh hain kamar bhi barabar hai baal ke Bos-o-kinaar-o-wasl-e-haseenaan hai khoob shughl Kamtar buzurg honge khilaf is khayal ke Qamat se tere saane'-e-qudrat ne aye haseen Dikhla diya hai hashr ko saanche mein dhaal ke Shaan-e-dimaagh-e-ishq ke jalwe se yeh badhi Rakhta hai hosh bhi qadam apne sambhal ke Zeene-e-muqaddama hai museebat ka dehr mein Sab shama' ko jalate hain saanche mein dhaal ke Hasti ke haq ke saamne kya asl-e-ain-o-aan Putle yeh sab hi hain aap ke wehm-o-khayal ke Talwar le ke uthta hai har talib-e-furogh Daur-e-falak mein hain yeh ishaare hilaal ke Pechida zindagi ke karo tum muqaddame Dikhla hi degi maut nateeja nikaal ke