ہر قدم کہتا ہے تو آیا ہے جانے کے لیے
ہر قدم کہتا ہے تو آیا ہے جانے کے لیے منزل ہستی نہیں ہے دل لگانے کے لیے کیا مجھے خوش آئے یہ حیرت سرائے بے ثبات ہوش اڑنے کے لیے ہے جان جانے کے لیے دل نے دیکھا ہے بساط قوت ادراک کو کیا بڑھے اس بزم میں آنکھیں اٹھانے کے لیے خوب امیدیں بندھیں لیکن ہوئیں حرماں نصیب بدلیاں اٹھیں مگر بجلی گرانے کے لیے سانس کی ترکیب پر مٹی کو پیار آ ہی گیا خود ہوئی قید اس کو سینے سے لگانے کے لیے جب کہا میں نے بھلا دو غیر کو ہنس کر کہا یاد پھر مجھ کو دلانا بھول جانے کے لیے دیدہ بازی وہ کہاں آنکھیں رہا کرتی ہیں بند جان ہی باقی نہیں اب دل لگانے کے لیے مجھ کو خوش آئی ہے مستی شیخ جی کو فربہی میں ہوں پینے کے لیے اور وہ ہیں کھانے کے لیے اللہ اللہ کے سوا آخر رہا کچھ بھی نہ یاد جو کیا تھا یاد سب تھا بھول جانے کے لیے سر کہاں کے ساز کیسا کیسی بزم سامعین جوش دل کافی ہے اکبرؔ تان اڑانے کے لیے
English rendering
Har qadam kehta hai tu aaya hai jaane ke liye Manzil-e-hasti nahin hai dil lagane ke liye Kya mujhe khush aaye yeh hairat-sara-e-be-sabaat Hosh udne ke liye hai jaan jaane ke liye Dil ne dekha hai basaat-e-quwwat-e-idraak ko Kya barhe is bazm mein aankhein uthane ke liye Khoob ummeedein bandhi lekin hui hurmaan-naseeb Badliyaan uthi magar bijli girane ke liye Saans ki tarkeeb par mitti ko pyaar aa hi gaya Khud hui qaid us ko seene se lagane ke liye Jab kaha main ne bhula do ghair ko, hans kar kaha Yaad phir mujh ko dilana bhool jaane ke liye Deeda-baazi woh kahan aankhein raha karti hain band Jaan hi baaqi nahin ab dil lagane ke liye Mujh ko khush aayi hai masti, Shaikh ji ko farbehi Main hoon peene ke liye aur woh hain khaane ke liye Allah Allah ke siwa akhir raha kuch bhi na yaad Jo kiya tha yaad sab tha bhool jaane ke liye Sur kahan ke saaz kaisa, kaisi bazm-e-sam'een Josh-e-dil kaafi hai Akbarؔ, taan udane ke liye