کہاں وہ اب لطف باہمی ہے محبتوں میں بہت کمی ہے
کہاں وہ اب لطف باہمی ہے محبتوں میں بہت کمی ہے چلی ہے کیسی ہوا الٰہی کہ ہر طبیعت میں برہمی ہے مری وفا میں ہے کیا تزلزل مری اطاعت میں کیا کمی ہے یہ کیوں نگاہیں پھری ہیں مجھ سے مزاج میں کیوں یہ برہمی ہے وہی ہے فضل خدا سے اب تک ترقی کار حسن و الفت نہ وہ ہیں مشق ستم میں قاصر نہ خون دل کی یہاں کمی ہے عجیب جلوے ہیں ہوش دشمن کہ وہم کے بھی قدم رکے ہیں عجیب منظر ہیں حیرت افزا نظر جہاں تھی وہیں تھمی ہے نہ کوئی تکریم باہمی ہے نہ پیار باقی ہے اب دلوں میں یہ صرف تحریر میں ڈیر سر ہے یا جناب مکرمی ہے کہاں کے مسلم کہاں کے ہندو بھلائی ہیں سب نے اگلی رسمیں عقیدے سب کے ہیں تین تیرہ نہ گیارہویں ہے نہ اسٹمی ہے نظر مری اور ہی طرف ہے ہزار رنگ زمانہ بدلے ہزار باتیں بنائے ناصح جمی ہے دل میں جو کچھ جمی ہے اگرچہ میں رند محترم ہوں مگر اسے شیخ سے نہ پوچھو کہ ان کے آگے تو اس زمانے میں ساری دنیا جہنمی ہے
English rendering
Kahan woh ab lutf-e-baahami hai, muhabbaton mein bahut kami hai Chali hai kaisi hawa Ilahi, ke har tabiyat mein barhami hai Meri wafa mein hai kya tazalzul, meri itaat mein kya kami hai Yeh kyon nigahen phiri hain mujh se, mizaj mein kyon yeh barhami hai Wahi hai fazl-e-khuda se ab tak, taraqqi-e-kaar-e-husn-o-ulfat Na woh hain mashq-e-sitam mein qasir, na khoon-e-dil ki yahan kami hai Ajab jalwe hain hosh dushman, ke wahm ke bhi qadam ruke hain Ajab manzar hain hairat afza, nazar jahan thi wahin thami hai Na koi takreem-e-baahami hai, na pyar baqi hai ab dilon mein Yeh sirf tehreer mein 'Dear Sir' hai, ya Janab-e-Mukarrami hai Kahan ke Muslim kahan ke Hindu, bhulaai hain sab ne agli rasmein Aqeeday sab ke hain teen terah, na gyarhween hai na ashtami hai Nazar meri aur hi taraf hai, hazaar rang zamana badle Hazaar baaten banaye nasih, jami hai dil mein jo kuch jami hai Agarcha main rind-e-mohtaram hoon, magar use shaikh se na poocho Ke un ke aage to is zamane mein saari duniya jahannami hai