خودی بھی مجھ سے جب واقف نہ تھی میں تب سے بسمل ہوں
خودی بھی مجھ سے جب واقف نہ تھی میں تب سے بسمل ہوں ازل سے کشتہِ تیغِ نگاہِ نازِ قاتل ہوں دلا کیوں کر میں اس رخسار روشن کے مقابل ہوں جسے خورشید محشر دیکھ کر کہتا ہے میں تل ہوں خمِ گیسو پر اک رشک پری کے دل سے مائل ہوں مجھے بھی ان دنوں سودا ہے دیوانوں میں داخل ہوں نہیں معلوم اس کو تیری چتون سے مقابل ہوں مجھے واعط سمجھتا ہے کہ میں مرنے سے غافل ہوں نگاہِ ناز سے تم نے اگر دیکھا نہیں مجھ کو تو پھر میں کیوں تڑپتا ہوں نہ زخمی ہوں نہ بسمل ہوں فغاں کیسی کہ حرفِ شکوہ بھی لب پر نہ آئے گا یہ جب تک تم نہ کہ لو گے وفا کا تیری قاتل ہوں رہِ الفت وہ کوچہ ہے قضا بھی جس سے ڈرتی ہے قدم رکھتا ہے دل اس میں نثارِ ہمتِ دل ہوں جو یوں ہی لحظہ لحظہ داغِ حسرت کی ترقی ہے عجب کیا رفتہ رفتہ میں سراپا صورتِ دل ہوں مدد اے رہنمائے گمرہاں اس دشتِ غربت میں مسافر ہوں پریشاں حال ہوں گم کردہ منزل ہوں یہ میرے سامنے شیخ و برہمن کیا جھگڑتے ہیں اگر مجھ سے کوئی پوچھے کہوں دونوں کا قائل ہوں اگر دعوائے یک رنگی کروں ناخوش نہ ہو جانا میں اس آئینہ خانہ میں ترا عکسِ مقابل ہوں توقع رہتی ہے دم کہ دم لینے کی مہلت ہے معاذ اللہ اپنی موت سے کس درجہ غافل ہوں رسائی زلف نے پائی قدم تک اب وہ کیوں آئیں بہانہ خوب ہاتھ ایا کہ پابندِ سلاسل ہوں خبر لیتے ہیں اس کی جس کو بیگانہ سمجھتے ہیں مجھے کب پوچھتے ہیں میں تو اک تحصیلِ حاصل ہوں زمینِ شعر جس سے آسمان بن جائے اے اکبر علوئے طبع سے ایسی غزل پڑھنے پہ مائل ہوں
English rendering
Khudi bhi mujh se jab waqif na thi main tab se bismil hoon Azal se kushta-e-tegh-e-nigah-e-naaz-e-qaatil hoon Dila kyun kar main us rukhsar-e-roshan ke muqabil hoon Jise khursheed-e-mehshar dekh kar kehta hai main til hoon Kham-e-gesu par ek rashk pari ke dil se maayil hoon Mujhe bhi in dinon sauda hai deewanon mein daakhil hoon Nahin maloom us ko teri chitwan se muqabil hoon Mujhe wa'iz samajhta hai ke main marne se ghafil hoon Nigah-e-naaz se tum ne agar dekha nahin mujh ko To phir main kyun tadapta hoon na zakhmi hoon na bismil hoon Fughan kaisi ke harf-e-shikwa bhi lab par na aaye ga Yeh jab tak tum na keh lo ge wafa ka teri qaatil hoon Rah-e-ulfat woh koocha hai qaza bhi jis se darti hai Qadam rakhta hai dil is mein nisaar-e-himmat-e-dil hoon Jo yun hi lahza lahza daagh-e-hasrat ki taraqqi hai Ajab kya rafta rafta main sarapa soorat-e-dil hoon Madad aye rahnuma-e-gumrahaan is dasht-e-ghurbat mein Musafir hoon pareshan haal hoon gum karda manzil hoon Yeh mere saamne shaikh o barahman kya jhagadte hain Agar mujh se koi poochhe kahoon donon ka qaail hoon Agar dawa-e-yak rangi karoon naakhush na ho jaana Main is aaina khana mein tera aks-e-muqabil hoon Tawaqqo rehti hai dam ke dam lene ki mohlat hai Maaz-Allah apni maut se kis darja ghafil hoon Rasai zulf ne paayi qadam tak ab woh kyun aayen Bahana khoob haath aaya ke paaband-e-salasil hoon Khabar lete hain us ki jis ko begaana samajhte hain Mujhe kab poochhte hain main to ek tehseel-e-haasil hoon Zameen-e-sher jis se aasman ban jaye aye Akbar Uloo-e-taba se aisi ghazal padhne pe maayil hoon