آخری ملاقات
آؤ کہ جشن مرگ محبت منائیں ہم! آتی نہیں کہیں سے دل زندہ کی صدا سونے پڑے ہیں کوچہ و بازار عشق کے ہے شمع انجمن کا نیا حسن جاں گداز شاید نہیں رہے وہ پتنگوں کے ولولے تازہ نہ رہ سکیں گی روایات دشت و در وہ فتنہ سر گئے جنہیں کانٹے عزیز تھے اب کچھ نہیں تو نیند سے آنکھیں جلائیں ہم آؤ کہ جشن مرگ محبت منائیں ہم! سوچا نہ تھا کہ آئے گا یہ دن بھی پھر کبھی اک بار پھر ملے ہیں، ذرا مسکرا تو لیں! کیا جانے اب نہ الفت دیرینہ یاد آئے اس حسن اختیار پہ آنکھیں جھکا تو لیں برسا لبوں سے پھول تری عمر ہو دراز سنبھلے ہوئے تو ہیں پہ ذرا ڈگمگا تو لیں اور اپنا اپنا عہد وفا بھول جائیں ہم آؤ کہ جشن مرگ محبت منائیں ہم! برسوں کی بات ہے کہ مرے جی میں آئی تھی میں سوچتا تھا تجھ سے کہوں، چھوڑ کیا کہوں اب کون ان شکستہ مزاروں کی بات لائے ماضی پہ اپنے حال کو ترجیح کیوں نہ دوں ماتم خزاں کا ہو کہ بہاروں کا، ایک ہے شاید نہ پھر ملے تری آنکھوں کا یہ فسوں جو شمع انتظار جلی تھی بجھائیں ہم آؤ کہ جشن مرگ محبت منائیں ہم!
English rendering
Aao ke jashn-e-marg-e-mohabbat manaaen hum! Aati nahin kahin se dil-e-zinda ki sadaa Soone pade hain koocha-o-bazaar-e-ishq ke Hai shama-e-anjuman ka naya husn-e-jaan-gudaz Shayad nahin rahe woh patangon ke walwalay Taza na reh saken gi riwayat-e-dasht-o-dar Woh fitna sar gaye jinhein kaante azeez the Ab kuch nahin to neend se aankhein jalaaen hum Aao ke jashn-e-marg-e-mohabbat manaaen hum! Socha na tha ke aayega yeh din bhi phir kabhi Ek baar phir mile hain, zara muskura to len! Kya jaane ab na ulfat-e-dareena yaad aaye Is husn-e-ikhtiyar pe aankhein jhuka to len Barsa labon se phool, teri umr ho daraz Sambhale hue to hain pe zara dagmaga to len Aur apna apna ehd-e-wafa bhool jaaen hum Aao ke jashn-e-marg-e-mohabbat manaaen hum! Barson ki baat hai ke mere jee mein aayi thi Main sochta tha tujh se kahun, chhod kya kahun Ab kaun un shikasta mazaron ki baat laaye Maazi pe apne haal ko tarjeeh kyun na doon Maatam khizan ka ho ke baharon ka, ek hai Shayad na phir mile teri aankhon ka yeh fasoon Jo shama-e-intezar jali thi bujhaen hum Aao ke jashn-e-marg-e-mohabbat manaaen hum!