اپاہج گاڑی کا آدمی
کچھ ایسے ہیں جو زندگی کو مہ و سال سے ناپتے ہیں گوشت سے ساگ سے دال سے ناپتے ہیں خط و خال سے گیسوؤں کی مہک چال سے ناپتے ہیں صعوبت سے جنجال سے ناپتے ہیں یا اپنے اعمال سے ناپتے ہیں مگر ہم اسے عزم پامال سے ناپتے ہیں یہ لمحہ جو گزرا مرے خون کی اس میں سرخی ملی ہے؟ مرے آنسوؤں کا نمک اس کی لذت میں شامل ہوا ہے؟ پسینے سے گرداب ساحل ہوا ہے؟ یہ لا کا سفر لا رہے گا کہ کچھ اس کا حاصل ہوا ہے کہ جیسے تھی برسوں سے ویسی ہی تشنہ دلی ہے؟ میں کب سے زمیں پر زمیں کی طرح چل رہا ہوں یہ دیوانہ اندھا سفر کب کہاں جا کے چھوڑے گا مجھ کو؟ میں اس زندگی کی بہت سی بہاریں غذا کی طرح کھا چکا ہوں پہن اوڑھ کر پیرہن کی طرح پھاڑ دی ہیں میں ریشم کا کیڑا ہوں کویے میں چھپ جاتا ہوں ڈر کے مارے اسی کویے کو کھاتا رہتا ہوں اور کاٹ کر اس سے آتا ہوں باہر اور اپنے جینے کا مقصد سبب جاننا چاہتا ہوں مرا دل خدا کی رضا ڈھونڈھتا پھر رہا ہے مرا جسم لذات کی جستجو میں لگا ہے گزر گاہ شام و سحر پر کہیں ایک دن میں اگا تھا نباتات کی طرح جیتا ہوں اس کارگاہ جہاں میں نہ احساس ایمان ایقان کوئی نہ دنیا میں شامل نہ خود اپنی پہچان کوئی گنہ اور جہنم ثواب اور جنت؟ یہ کیوں ہے کہ بے مزد کچھ بھی نہیں مل سکا ہے نہ کل مل سکے گا اساطیر فرماں رواؤں کے احکام اور صوفیا کی کرامت کے قصے پیمبر کی دل سوزیوں کے مظاہر قلم بند ہیں سب! انہیں ہم نے تعویذ کی طرح اپنے گلوں میں حمائل کیا ہے انہیں ہم نے تہہ خانوں کی کوٹھری میں مقفل کیا ہے جہاں لڑکھڑاتے ہیں ان کی مدد لے کے چلتے ہیں آگے مگر راستوں کا تعین نہیں ہے! میں بکھرا ہوا آدمی ہوں مری ذہنی بیماریوں کا سبب یہ زمیں ہے میں اس دن سے ڈرتا ہوں جب برف ساری پگھل کر اسے غرق کر دے نئے آسمانی حوادث صفر میں بدل دیں یا آدمی اپنے اعمال سے خود اسے اک کہانی بنا دے زمیں شورہ پشتوں کی آماجگہ بن گئی ہے خدا ایک ہے یوں تو واوین میں صاف لکھا ہوا ہے مگر زیر واوین بھی چھوٹی چھوٹی بہت تختیاں ہیں جلی حرف جن کے بہت امتوں کا پتہ دے رہے ہیں جو یہ تختیاں اپنی گردن میں لٹکائے زنار پہنے ہوئے کوئی تسبیح تھامے اپنی گرد سفر کے دھند میں لپٹے چلے جا رہے ہیں زیتون کی شاخ تلسی کے پتے ہوا میں اڑے جا رہے ہیں چیونٹیوں کی قطاریں قرن در قرن مختلف پیچ در پیچ راہوں سے گزری چلی جا رہی ہیں سیکڑوں سر کٹے دھڑ بہت راستوں پر پڑے ہیں ہون ہو رہے ہیں یگیہ کے منتروں کی صدا آگ میں جلنے والی سامگری کی بہت تیز بو ہر طرف پھیل کر بس گئی ہے ہوا میں اور واوین کی قید میں جو خدا ہے لا مکاں سے جو ہوتا ہے ہوتا رہے گا بیٹھا چپ چاپ سب دیکھتا ہے ہم بھی کیوں نہ خدا کی طرح یونہی چپ سادھ لیں پیڑ پودوں کی مانند جیتے رہیں ذبح ہوتے رہیں! وہ دعائیں جو بارود کی بو میں بس کر بھٹکتی ہوئی زیر عرش بریں پھر رہی ہیں انہیں بھول جائیں زندگی کو خدا کی عطا جان کر ذہن ماؤف کر لیں یاوہ گوئی میں یا ذہنی ہذیان میں خود کو مصروف کر لیں ان میں مل جائیں جو زندگی کو گوشت سے ساگ سے دال سے ناپتے ہیں مہ و سال سے ناپتے ہیں اپنا ہی خون پینے لگے ہیں چاک دامانیاں غم سے سینے لگے ہیں
English rendering
Kuch aise hain jo zindagi ko mah-o-saal se naapte hain Gosht se saag se daal se naapte hain Khat-o-khaal se gaisuon ki mehak chaal se naapte hain Sa'oobat se janjaal se naapte hain Ya apne a'maal se naapte hain Magar hum use azm-e-pamaal se naapte hain Yeh lamha jo guzra mere khoon ki is mein surkhi mili hai? Mere aansuon ka namak is ki lazzat mein shamil hua hai? Paseene se gardaab saahil hua hai? Yeh la ka safar la rahega ke kuch is ka haasil hua hai Ke jaise thi barson se waisi hi tishna-dili hai? Main kab se zameen par zameen ki tarah chal raha hoon Yeh deewana andha safar kab kahan ja ke chhodega mujh ko? Main is zindagi ki bahut si baharein ghiza ki tarah kha chuka hoon Pehan odh kar pairahan ki tarah phaad di hain Main resham ka keeda hoon koye mein chhup jaata hoon dar ke maare Isi koye ko khaata rehta hoon aur kaat kar is se aata hoon bahar Aur apne jeene ka maqsad sabab jaanna chahta hoon Mera dil Khuda ki raza dhoondhta phir raha hai Mera jism lazzat ki justujoo mein laga hai Guzar-gah-e-shaam-o-sehar par kahin ek din mein uga tha Nabataat ki tarah jeeta hoon is kaargah-e-jahan mein Na ehsaas-e-imaan-o-eeqaq koi Na duniya mein shamil na khud apni pehchan koi Gunah aur Jahannum sawab aur Jannat? Yeh kyun hai ke be-mazd kuch bhi nahi mil saka hai Na kal mil sakenge Asateer farmaan rawaon ke ehkaam aur sufiya ki karamat ke qisse Paigambar ki dil-soziyon ke mazahir Qalam band hain sab! Inhen hum ne taaweez ki tarah apne galuon mein hama'il kiya hai Inhen hum ne teh-khanon ki kothri mein muqaffal kiya hai Jahan ladkhadate hain un ki madad le ke chalte hain aage Magar raaston ka ta'ayyun nahi hai! Main bikhra hua aadmi hoon Meri zehni beemariyon ka sabab yeh zameen hai Main us din se darta hoon jab barf saari pighal kar Use gharq kar de Naye aasmani hawadis Sifar mein badal dein Ya aadmi apne a'maal se khud Use ek kahani bana de Zameen shora pushton ki aamajgah ban gayi hai Khuda ek hai yoon to waaween mein saaf likha hua hai Magar zair-e-waaween bhi chhoti chhoti bahut takhtiyan hain Jali harf jin ke bahut ummaton ka pata de rahe hain Jo yeh takhtiyan apni gardan mein latkaye Zunnar pehne hue koi tasbeeh thame Apni gard-e-safar ke dhund mein lipte chale ja rahe hain Zaitoon ki shaakh Tulsi ke patte Hawa mein ude ja rahe hain Cheuntiyon ki qatarein qarn dar qarn Mukhtalif pech dar pech raahon se guzri chali ja rahi hain Saikadon sar kate dhad bahut raaston par pade hain Hawan ho rahe hain Yagya ke mantron ki sada Aag mein jalne wali saamagri ki bahut tez bu Har taraf phail kar bas gayi hai hawa mein Aur waaween ki qaid mein jo Khuda hai La-makaan se Jo hota hai hota rahega Baitha chup chaap sab dekhta hai Hum bhi kyun na Khuda ki tarah yoonhi chup saadh lein Ped paudon ki maanind jeete rahein Zabah hote rahein! Woh duaen jo barood ki bu mein bas kar Bhatakti hui zair-e-arsh-e-bareen phir rahi hain Inhen bhool jaen Zindagi ko Khuda ki ata jaan kar zehn ma'oof kar lein Yaawa-goi mein ya zehni hazyaan mein khud ko masroof kar lein In mein mil jaen jo zindagi ko Gosht se saag se daal se naapte hain Mah-o-saal se naapte hain Apna hi khoon peene lage hain Chak-e-daamaniyaan gham se seene lage hain