مسجد
دور برگد کی گھنی چھاؤں میں خاموش و ملول جس جگہ رات کے تاریک کفن کے نیچے ماضی و حال گنہ گار نمازی کی طرح اپنے اعمال پہ رو لیتے ہیں چپکے چپکے ایک ویران سی مسجد کا شکستہ سا کلس پاس بہتی ہوئی ندی کو تکا کرتا ہے اور ٹوٹی ہوئی دیوار پہ چنڈول کبھی گیت پھیکا سا کوئی چھیڑ دیا کرتا ہے گرد آلود چراغوں کو ہوا کے جھونکے روز مٹی کی نئی تہہ میں دبا جاتے ہیں اور جاتے ہوئے سورج کے وداعی انفاس روشنی آ کے دریچوں کی بجھا جاتے ہیں حسرت شام و سحر بیٹھ کے گنبد کے قریب ان پریشان دعاؤں کو سنا کرتی ہے جو ترستی ہی رہیں رنگ اثر کی خاطر اور ٹوٹا ہوا دل تھام لیا کرتی ہے یا ابابیل کوئی آمد سرما کے قریب اس کو مسکن کے لیے ڈھونڈ لیا کرتی ہے اور محراب شکستہ میں سمٹ کر پہروں داستاں سرد ممالک کی کہا کرتی ہے ایک بوڑھا گدھا دیوار کے سائے میں کبھی اونگھ لیتا ہے ذرا بیٹھ کے جاتے جاتے یا مسافر کوئی آ جاتا ہے وہ بھی ڈر کر ایک لمحے کو ٹھہر جاتا ہے آتے آتے فرش جاروب کشی کیا ہے سمجھتا ہی نہیں کالعدم ہو گیا تسبیح کے دانوں کا نظام طاق میں شمع کے آنسو ہیں ابھی تک باقی اب مصلٰی ہے نہ منبر نہ مؤذن نہ امام آ چکے صاحب افلاک کے پیغام و سلام کوہ و در اب نہ سنیں گے وہ صدائے جبریل اب کسی کعبہ کی شاید نہ پڑے گی بنیاد کھو گئی دشت فراموشی میں آواز خلیل چاند پھیکی سی ہنسی ہنس کے گزر جاتا ہے ڈال دیتے ہیں ستارے دھلی چادر اپنی اس نگار دل یزداں کے جنازے پہ بس اک چشم نم کرتی ہے شبنم یہاں اکثر اپنی ایک میلا سا اکیلا سا فسردہ سا دیا روز رعشہ زدہ ہاتھوں سے کہا کرتا ہے تم جلاتے ہو کبھی آ کے بجھاتے بھی نہیں ایک جلتا ہے مگر ایک بجھا کرتا ہے تیز ندی کی ہر اک موج تلاطم بردوش چیخ اٹھتی ہے وہیں دور سے فانی فانی کل بہا لوں گی تجھے توڑ کے ساحل کی قیود اور پھر گنبد و مینار بھی پانی پانی
English rendering
Dur bargad ki ghani chhaon mein khamosh-o-malool Jis jagah raat ke tareek kafan ke neeche Maazi-o-haal gunahgar namazi ki tarah Apne aamaal pe ro lete hain chupke chupke Ek veeran si masjid ka shikasta sa kalas Paas behti hui nadi ko taka karta hai Aur tooti hui deewar pe chandool kabhi Geet pheeka sa koi chhed diya karta hai Gard alood charaghon ko hawa ke jhonke Roz mitti ki nai teh mein daba jaate hain Aur jaate hue Sooraj ke wada'i anfaas Roshni aa ke darichon ki bujha jaate hain Hasrat-e-sham-o-sahar baith ke gumbad ke qareeb Un pareshan duaon ko suna karti hai Jo tarasti hi rahin rang-e-asar ki khatir Aur toota hua dil thaam liya karti hai Ya ababeel koi aamad-e-sarma ke qareeb Is ko maskan ke liye dhoond liya karti hai Aur mehrab-e-shikasta mein simat kar pahron Dastaan sard mumalik ki kaha karti hai Ek boodha gadha deewar ke saaye mein kabhi Oongh leta hai zara baith ke jaate jaate Ya musafir koi aa jata hai wo bhi dar kar Ek lamhe ko thehar jata hai aate aate Farsh jaaroob-kashi kya hai samajhta hi nahin Kaal-adam ho gaya tasbeeh ke danon ka nizaam Taaq mein shama ke aansoo hain abhi tak baqi Ab musalla hai na mimbar na muazzin na imam Aa chuke sahib-e-aflaak ke paigham-o-salaam Koh-o-dar ab na sunein ge wo sada-e-jibrael Ab kisi kaaba ki shayad na pade gi bunyad Kho gai dasht-e-faramoshi mein awaaz-e-khaleel Chand pheeki si hansi hans ke guzar jata hai Daal dete hain sitare dhuli chadar apni Is nigaar-e-dil-e-yazdaan ke janaze pe bas ek Chashm-e-nam karti hai shabnam yahan aksar apni Ek maila sa akela sa fasurda sa diya Roz ra'asha zada hathon se kaha karta hai Tum jalaate ho kabhi aa ke bujhaate bhi nahin Ek jalta hai magar ek bujha karta hai Tez nadi ki har ek mauj-e-talaatum-bardosh Cheekh uthti hai wahin dur se faani faani Kal baha loongi tujhe tod ke saahil ki quyood Aur phir gumbad-o-minar bhi paani paani