میرا دوست ابو الہول
دھواں دھار تقریر جس نے ابھی کی تھی وہ آدمی ہے جو لفظوں کے پل باندھتا ہے ابھرتے ہوئے نوجوانوں کو وعدوں کی افیون دے کر اسی پل پہ لاتا ہے اور غرق کر کے پلٹ جاتا ہے حسب دستور آرام گہ کو یہ دنیا تو ان شعلہ سامان لوگوں نے آپس میں تقسیم کر لی جو ہتھیار کی شکل میں رنج و غم ڈھالتے ہیں یا گولہ بارود کے کارخانوں کے مالک ہیں یا پھر ثنا خواں ہیں ان کے ہمارے لیے صرف نعرے بچے ہیں صنعتی دور کے کج کلاہوں کی داد و دہش روح پرور ہو یا جان لیوا مگر زندہ باد، آفریں، مرحبا، کے سوا کچھ نہیں پاس اپنے یہ سب جانتا ہے ہماری شجاعت کی پرواز کیا ہے ہماری جواں مردی اک صوبہ جاتی تعصب سے یا فرقہ واری فسادات سے آگے کچھ بھی نہیں ہے فتوحات اسکندری ہم نے تختی پہ لکھ کر مٹا دی ہیں کب کی ہمارے بعد زمیں کے تلے سو رہے ہیں عجائب گھروں میں لٹکتی ہیں تلواریں ان کی اور ان کے زریں لبادوں کو گھن کھا گیا ہے ذرہ بکتروں پر کلونس آ گئی ہے یہ سب جانتا ہے ہماری تگ و تاز کیا ہے ہمارے شکم گر ہمارے سروں پہ نہ ہوتے اور چہروں میں اعضائے جنسی تو ہم اچھے انسان بنتے ہمارے گھروں کے کم و بیش سب عقبی دروازے پیہم کھلے ہیں ہمارے لہو میں ہرے لال پیلے بہت سارے پرچم کھلے ہیں کہیں سے مگر حق کی آواز آتی نہیں ہے ہماری زباں دل کی ساتھی نہیں ہے ہمارے لیے کھوکھلا لفظ جمہوریت ہے، تقاریر ہیں لیڈروں کی ہمارے لیے روز ناموں کے صفحات ہیں، اشتہارات ہیں نیم جنسی ہمارے لیے دیوتاؤں کے بت ہیں، خدا کے فرامین ہیں اور عقبیٰ جو بد رنگ ہے حال کی طرح اور کورے لٹھے کی بو سے بھری ہے ہمارے لیے صرف روٹی کی جد و جہد عورتوں کے برہنہ بدن کی تمنا سے آگے کہیں کچھ نہیں ہے ہماری رگوں میں جو تیزاب ہے اس کی شدت کبھی کم نہ ہوگی!
English rendering
Dhuan dhaar taqreer jis ne abhi ki thi woh aadmi hai Jo lafzon ke pul baandhta hai Ubharte hue naujawano ko waadon ki afiyoon de kar Usi pul pe lata hai aur gharq kar ke Palat jata hai hasb-e-dastoor araam gah ko Yeh duniya to un shola saamaan logon ne aapas mein taqseem kar li Jo hathyar ki shakal mein ranj-o-gham dhaal te hain Ya gola barood ke karkhano ke malik hain Ya phir sana khwan hain un ke Hamare liye sirf naare bache hain Sanati daur ke kaj kulahon ki daad o dahish rooh parwar ho ya jaan lewa Magar zindabad, aafreen, marhaba, ke siwa kuch nahin paas apne Yeh sab jaanta hai hamari shuja'at ki parwaaz kya hai Hamari jawan mardee ik subah jaati ta'assub se Ya firqa waari fasaadaat se aage kuch bhi nahin hai Futoohaat-e-Iskandari hum ne takhti pe likh kar mita di hain kab ki Hamare baad zameen ke tale so rahe hain Aja'ib gharon mein latakti hain talwarain un ki Aur un ke zarreen libadon ko ghun kha gaya hai Zarah baktron par kalons aa gayi hai Yeh sab jaanta hai hamari tug o taaz kya hai Hamare shikam gar hamare saron pe na hote Aur chehron mein a'za-e-jinsi To hum achhe insaan bante Hamare gharon ke kam o besh sab uqbi darwaze paiham khule hain Hamare lahoo mein hare laal peele bahut saare parcham khule hain Kahin se magar haq ki awaz aati nahin hai Hamari zubaan dil ki saathi nahin hai Hamare liye khokhla lafz jamhooriyat hai, taqreerein hain leadron ki Hamare liye roz namon ke safhaat hain, ishteharat hain neem jinsi Hamare liye devtaon ke but hain, Khuda ke farameen hain aur uqba Jo bad rang hai haal ki tarah aur kore latthe ki boo se bhari hai Hamare liye sirf roti ki jad o jehad Aurton ke barahna badan ki tamanna se aage kahin kuch nahin hai Hamari ragon mein jo tezab hai us ki shiddat kabhi kam na hogi!