قلو بطرہ
شام کے دامن میں پیچاں نیم افرنگی حسیں نقرئی پاروں میں اک سونے کی لاگ رہ گزر میں یا خراماں سرد آگ یا کسی مطرب کی لے اک تشنہ تکمیل راگ ایک بحر بیکراں کی جھلملاتی سطح پر ضو فگن افسانہ ہائے رنگ و نور نیلے نیلے دو کنول موجوں سے چور بہتے بہتے جو نکل جائیں کہیں ساحل سے دور چاند سی پیشانیوں پر زرفشاں لہروں کا جال احمریں اڑتا ہوا رنگ شراب جم گئی ہیں اشعۂ صد آفتاب گردنوں کے پیچ و خم میں گھل گیا ہے ماہتاب عشرت پرویز میں کیا نالہ ہائے تیز تیز اڑ گیا دن کی جوانی کا خمار شام کے چہرے پہ لوٹ آیا نکھار ہو چکے ہیں ہو رہے ہیں اور دامن داغدار اس کا زریں تخت سیمیں جسم ہے آنکھوں سے دور جام زہر آلود سے اٹھتے ہیں جھاگ چونک کر انگڑائیاں لیتے ہیں ناگ جاگ انطونیؔ محبت سو رہی ہے جاگ جاگ
English rendering
Shām ke dāman mein pechāñ nīm-afrangī hasīñ Nuqraī pāroñ mein ik sone kī lāg Rahguzar mein yā khrāmāñ sard āg Yā kisī mutrib kī lai ik tishna-e-takmīl rāg Ek bahr-e-bekarāñ kī jhilmilātī sat'h par Zau-fagan afsāna-hā-e-rang-o-noor Nīle nīle do kanwal maujoñ se choor Bahte bahte jo nikal jāeñ kahīñ sāhil se door Chānd sī peshāniyoñ par zar-fashāñ lahron kā jāl Ahmareñ uṛtā huā rang-e-sharāb Jam gaī haiñ ash'a-e-sad-āftāb Gardanoñ ke pech-o-kham mein ghul gayā hai māhtāb Ishrat-e-Parvez mein kyā nāla-hā-e-tez tez Uṛ gayā din kī jawānī kā khumār Shām ke chehre pe lauṭ āyā nikhār Ho chuke hain ho rahe hain aur dāman daghdār Us kā zarrīñ takht sīmīñ jism hai āñkhoñ se door Jaam-e-zehr-ālūd se uṭhte hain jhāg Chauñk kar angṛāiyāñ lete hain nāg Jaag Antonī! muhabbat so rahī hai jāg jāg