زندگی کے دروازے پر
پا برہنہ و سراسیمہ سا اک جم غفیر اپنے ہاتھوں میں لیے مشعل بے شعلہ و دود مضطرب ہو کے گھروندوں سے نکل آیا ہے جیسے اب توڑ ہی ڈالے گا یہ برسوں کا جمود ان پپوٹوں میں یہ پتھرائی ہوئی سی آنکھیں جن میں فردا کا کوئی خواب اجاگر ہی نہیں کیسے ڈھونڈیں گی در زیست کہاں ڈھونڈیں گی ان کو وہ تشنگیٔ شوق میسر ہی نہیں جیسے صدیوں کے چٹانوں پہ تراشے ہوئے بت ایک دیوانے مصور کی طبیعت کا ابال ناچتے ناچتے غاروں سے نکل آئے ہوں اور واپس انہیں غاروں میں ہو جانے کا خیال زندگی اپنے دریچوں میں ہے مشتاق ابھی اور یہ رقص طلسمانہ کے رنگیں سائے اس کی نظروں کو دیے جاتے ہیں پیہم دھوکے جیسے بس آنکھ جھپکنے میں وہ اڑ کر آئے شہ پر موت کسی غول بیاباں کی طرح قہقہے بھرتا ہے خاموش فضاؤں میں صدا کانپتے کانپتے اک بار سمٹ جاتی ہے ایک تاریک سا پردہ یوں ہی آویزاں رہا کوئی دروازے پہ دستک ہے نہ قدموں کا نشاں چند پر ہول سے اسرار تہ سایۂ در خود ہی سرگوشیاں کرتے ہیں کوئی جیسے کہے پھر پلٹ آئے یہ کم بخت وہی شام و سحر ناچتا رہتا ہے دروازے کے باہر یہ ہجوم اپنے ہاتھوں میں لیے مشعل بے شعلہ و دود زندگی اپنے دریچوں میں ہے مشتاق ابھی کیا خبر توڑ ہی دے بڑھ کے کوئی قفل جمود
English rendering
Pa barhana o saraseemah sa ik jamm-e-ghafeer Apne haathon mein liye mash'al-e-be-sho'la o dood Muztarib ho ke gharondon se nikal aaya hai Jaise ab tod hi daale ga yeh barson ka jamood In papooton mein yeh pathraai hui si aankhain Jin mein farda ka koi khwaab ujaagar hi nahin Kaise dhoondein gi dar-e-zeest kahan dhoondein gi In ko woh tashnagi-e-shauq muyassar hi nahin Jaise sadiyon ke chataanon pe taraashe hue but Ek deewaane musawwir ki tabiyat ka ubaal Naachte naachte ghaar-on se nikal aaye hon Aur waapas inheen ghaar-on mein ho jaane ka khayal Zindagi apne darichon mein hai mushtaaq abhi Aur yeh raqs-e-tilasmaana ke rangeen saaye Is ki nazron ko diye jaate hain paiham dhoke Jaise bas aankh jhapakne mein woh ud kar aaye Shah par maut kisi ghool-e-bayaaban ki tarah Qahqahe bharta hai khamosh fizaaon mein sada Kaanpte kaanpte ek baar simat jaati hai Ek taareekh sa parda yoon hi aawaizaan raha Koi darwaze pe dastak hai na qadmon ka nishaan Chand pur haul se asraar teh saaya-e-dar Khud hi sargoshiyan karte hain koi jaise kahe Phir palat aaye yeh kambakht wohi shaam-o-sahar Naachta rehta hai darwaze ke bahar yeh hujoom Apne haathon mein liye mash'al-e-be-sho'la o dood Zindagi apne darichon mein hai mushtaaq abhi Kya khabar tod hi de badh ke koi qufl-e-jamood