فنا کیسی بقا کیسی جب اُس کے آشنا ٹھہرے
فنا کیسی بقا کیسی جب اُس کے آشنا ٹھہرے کبھی اس گھر میں آ نکلے کبھی اُس گھر میں جا ٹھہرے نہ ٹھہرا وصل، کاش اب قتل ہی پر فیصلا ٹھہرے کہاں تک دل مرا تڑپے کہاں تک دم مرا ٹھہرے جفا دیکھو جنازے پر مرے آئے تو فرمایا کہو تم بے وفا ٹھہرے کہ اب ہم بے وفا ٹھہرے تہ خنجر بھی منہ موڑا نہ قاتل کی اطاعت سے تڑپنے کو کہا تڑپے ، ٹھہرنے کو کہا ٹھہرے زہے قسمت حسینوں کی بُرائی بھی بھلائی ہے کریں یہ چشم پوشی بھی تو نظروں میں حیا ٹھہرے یہ عالم بیقراری کا ہے جب آغاز الفت میں دھڑکتا ہے دل اپنا دیکھئے انجام کیا ٹھہرے حقیقت کھول دی آئینہ وحدت نے دونوں کی نہ تم ہم سے جدا ٹھہرے ، نہ ہم تم سے جدا ٹھہرے دل مضطر سے کہہ دو تھوڑے تھوڑے سب مزے چکھے ذرا بہکے ذرا سنبھلے ذرا تڑپے ذرا ٹھہرے شب وصلت قریب آنے نہ پائے کوئی خلوت میں ادب ہم سے جدا ٹھہرے حیا تم سے جدا ٹھہرے اٹھو جاؤ سدھا رو ، کیوں مرے مردے پہ روتے ہو ٹھہرنے کا گیا وقت اب اگر ٹھہرے تو کیا ٹھہرے نہ تڑپا چارہ گر کے سامنے اے درد یوں مجھ کو کہیں ایسا نہ ہو یہ بھی تقاضائے دوا ٹھہرے ابھی جی بھر کے وصل یار کی لذت نہیں اٹھی کوئی دم اور آغوش اجابت میں دعا ٹھہرے خیال یار آنکلا مرے دل میں تو یوں بولا یہ دیوانوں کی بستی ہے یہاں میری بلا ٹھہرے امیر آیا جو وقت بد تو سب نے راہ لی اپنی ہزاروں سیکڑوں میں درد و غم دو آشنا ٹھہرے
English rendering
Fana kaisi baqa kaisi jab us ke aashna thahre Kabhi is ghar mein aa nikle kabhi us ghar mein ja thahre Na thahra vasl, kaash ab qatl hi par faisla thahre Kahan tak dil mera tadpe kahan tak dam mera thahre Jafa dekho janaze par mare aaye to farmaya Kaho tum bewafa thahre ke ab ham bewafa thahre Teh-e-khanjar bhi munh moda na qatil ki itaat se Tadapne ko kaha tadpe, thahrne ko kaha thahre Zahe qismat haseenon ki burai bhi bhalai hai Karein ye chashm-poshi bhi to nazron mein haya thahre Ye alam beqarari ka hai jab aghaz-e-ulfat mein Dhadakta hai dil apna dekhiye anjaam kya thahre Haqeeqat khol di aaina-e-wahdat ne donon ki Na tum ham se juda thahre, na ham tum se juda thahre Dil muztar se keh do thode thode sab maze chakkhe Zara behke zara sanbhle zara tadpe zara thahre Shab-e-vaslat qareeb aane na paye koi khalwat mein Adab ham se juda thahre haya tum se juda thahre Utho jao sidha ro, kyon mare murde pe rote ho Thahrne ka gaya waqt ab agar thahre to kya thahre Na tadpa charah-gar ke samne ae dard yun mujh ko Kahin aisa na ho ye bhi taqaza-e-dawa thahre Abhi ji bhar ke vasl-e-yaar ki lazzat nahin uthi Koi dam aur aghosh-e-ijabat mein dua thahre Khayal-e-yaar aa nikla mare dil mein to yun bola Ye deewanon ki basti hai yahan meri bala thahre Ameer aaya jo waqt-e-bad to sab ne raah li apni Hazaron saikdon mein dard-o-gham do ashna thahre