کچھ خار ہی نہیں مرے دامن کے یار ہیں
کچھ خار ہی نہیں مرے دامن کے یار ہیں گردن میں طوق بھی تو لڑکپن کے یار ہیں سینہ ہو کشتگان محبت کا یا گلا دونوں یہ تیرے خنجر آہن کے یار ہیں خاطر ہماری کرتا ہے دیر و حرم میں کون ہم تو نہ شیخ کے نہ برہمن کے یار ہیں کیا پوچھتا ہے مجھ سے نشاں سیل و برق کا دونوں قدیم سے مرے خرمن کے یار ہیں کیا گرم ہیں کہ کہتے ہیں خوبان لکھنؤ لندن کو جائیں وہ جو فرنگن کے یار ہیں وہ دشمنی کریں تو کریں اختیار ہے ہم تو عدو کے دوست ہیں دشمن کے یار ہیں کچھ اس چمن میں سبزۂ بیگانہ ہم نہیں نرگس کے دوست لالہ و سوسن کے یار ہیں کانٹے ہیں جتنے وادئ غربت کے اے جنوں سب آستیں کے جیب کے دامن کے یار ہیں گم گشتگی میں راہ بتاتا ہے ہم کو کون ہے خضر جن کا نام وہ رہزن کے یار ہیں چلتے ہیں شوق برق تجلی میں کیا ہے خوف چیتے تمام وادیٔ ایمن کے یار ہیں پیری مجھے چھڑاتی ہے احباب سے امیرؔ دنداں نہیں یہ میرے لڑکپن کے یار ہیں
English rendering
Kuchh khaar hi nahin mere daaman ke yaar hain Gardan mein tauq bhi toh larkpan ke yaar hain Seena ho kushtagaan-e-mohabbat ka ya gala Donon yeh tere khanjar-e-aahan ke yaar hain Khaatir hamari karta hai dair-o-haram mein kaun Hum toh na shaikh ke na Barahman ke yaar hain Kya poochhta hai mujh se nishaan sail-o-barq ka Donon qadeem se mere kharman ke yaar hain Kya garam hain ke kehte hain khoobaan-e-Lucknow London ko jaayen woh jo farangan ke yaar hain Woh dushmani karein toh karein, ikhtiyaar hai Hum toh adoo ke dost hain, dushman ke yaar hain Kuchh is chaman mein sabza-e-begaana hum nahin Nargis ke dost, laala-o-sausan ke yaar hain Kaante hain jitne waadi-e-ghurbat ke aye junoon Sab aasteen ke, jaib ke, daaman ke yaar hain Gum-gashtagi mein raah batata hai hum ko kaun Hai Khizr jin ka naam woh rahzan ke yaar hain Chalte hain shauq-e-barq-e-tajalli mein kya hai khauf Cheete tamaam waadi-e-Aiman ke yaar hain Peeri mujhe chhuraati hai ahbaab se Ameer! Dandaan nahin yeh mere larkpan ke yaar hain