ہوئے نامور بے نشاں کیسے کیسے
ہوئے نامور بے نشاں کیسے کیسے زمیں کھا گئی آسماں کیسے کیسے تری بانکی چتون نے چن چن کے مارے نکیلے سجیلے جواں کیسے کیسے نہ گل ہیں نہ غنچے نہ بوٹے نہ پتے ہوئے باغ نذر خزاں کیسے کیسے ستاروں کی دیکھو بہار آنکھ اٹھا کر کھلاتا ہے پھول آسماں کیسے کیسے کڑے ان کے تیور جو مقتل میں دیکھے لیے ناز نے امتحاں کیسے کیسے یہاں درد سے ہاتھ سینے پہ رکھا وہاں ان کو گزرے گماں کیسے کیسے وہ صورت نہ آنکھوں میں اب ہے نہ دل میں مکیں سے ہیں خالی مکاں کیسے کیسے ترے جاں نثاروں کے تیور وہی ہیں گلے پر ہیں خنجر رواں کیسے کیسے جہاں نام آتا ہے ان کا زباں پر تو لیتی ہے بوسے زباں کیسے کیسے ہر اک دل پہ ہیں داغ ناکامیوں کے نشاں دے گیا بے نشاں کیسے کیسے بہار آ کے قدرت کی گلشن میں دیکھو کھلاتا ہے گل باغباں کیسے کیسے اٹھائے ہیں مجنوں نے لیلہ کی خاطر شتر غمزۂ سار باں کیسے کیسے خوش اقبال کیا سرزمین سخن ہے ملے ہیں اسے باغباں کیسے کیسے جوانی کا صدقہ ذرا آنکھ اٹھاؤ تڑپتے ہیں دیکھو جواں کیسے کیسے شب وصل حل ہوں گے کیا کیا معمے عیاں ہوں گے راز نہاں کیسے کیسے خزاں لوٹ ہی لے گئی باغ سارا تڑپتے رہے باغباں کیسے کیسے بنا کر دکھائے مرے درد دل نے تہہ آسماں آسماں کیسے کیسے امیرؔ اب مدینے کو تو بھی رواں ہو چلے جاتے ہیں کارواں کیسے کیسے
English rendering
Hue naamwar be-nishaan kaise kaise Zameen kha gayi aasmaan kaise kaise Teri baanki chitwan ne chun chun ke maare Nakeele sajeele jawaan kaise kaise Na gul hain na ghunche na boote na patte Hue baagh nazr-e-khizaan kaise kaise Sitaaron ki dekho bahaar aankh utha kar Khilata hai phool aasmaan kaise kaise Kade un ke tewar jo maqtal mein dekhe Liye naaz ne imtihaan kaise kaise Yahan dard se haath seene pe rakha Wahan un ko guzre gumaan kaise kaise Woh soorat na aankhon mein ab hai na dil mein Makeen se hain khaali makaan kaise kaise Tere jaan-nisaron ke tewar wahi hain Gale par hain khanjar rawaan kaise kaise Jahan naam aata hai un ka zabaan par Toh leti hai bose zabaan kaise kaise Har ek dil pe hain daagh nakaamiyon ke Nishaan de gaya be-nishaan kaise kaise Bahaar aa ke qudrat ki gulshan mein dekho Khilata hai gul baaghbaan kaise kaise Uthaye hain Majnoon ne Laila ki khaatir Shutur-ghamza-e-saarbaan kaise kaise Khush-iqbaal kya sarzameen-e-sukhan hai Mile hain use baaghbaan kaise kaise Jawaani ka sadqa, zara aankh uthao Tarapte hain dekho jawaan kaise kaise Shab-e-wasl hal honge kya kya mu'amme Ayaan honge raaz-e-nihaan kaise kaise Khizaan loot hi le gayi baagh sara Tarapte rahe baaghbaan kaise kaise Bana kar dikhaye mere dard-e-dil ne Teh-e-aasmaan aasmaan kaise kaise Ameer! Ab Madine ko tu bhi rawaan ho Chale jaate hain karwaan kaise kaise