امیر مینائی

English rendering

Firāq-e-yār ne bechain mujh ko raat bhar rakhā Kabhī takiya idhar rakhā kabhī takiya udhar rakhā Shikast-e-dil kā bāqī ham ne ghurbat mein asar rakhā Likhā ahl-e-vatan ko khaṭ to ik gosha katar rakhā Barābar ā'īne ke bhī na samjhe qadr vo dil kī Use zer-e-qadam rakhā use pesh-e-nazar rakhā Miṭāe dīda-o-dil donoñ mere ashk-e-khūnīñ ne Ajab ye tifl-e-abtar thā na ghar rakhā na dar rakhā Tumhāre sang-e-dar kā ek ṭukṛā bhī jo hāth āyā Azīz aisā kiyā mar kar use chhātī pe dhar rakhā Jināñ mein sāth apne kyuuñ na le jā'ūñgā nāseh ko Sulūk aisā hī mere sāth hai hazrat ne kar rakhā Na kī kis ne sifārish merī vaqt-e-qatl-e-qātil se Kamāñ ne hāth joṛe tegh ne qadmoñ pe sar rakhā Ghazab barse vo mere aate hī ma'lūm hotā hai Jaga khālī jo pā'ī yār ko ghairōñ ne bhar rakhā Baṛā ehsān hai mere sar pe us kī laghzish-e-pā kā Ki us ne be-tahāshā hāth mere dosh par rakhā Zamīñ mein dāna-e-gandum sadaf mein ham hu'e gauhar Hamāre 'ajz ne har ma'rika mein ham ko dar rakhā Tere har naqsh-e-pā ko rahguzar mein sajda-gah samjhe Jahāñ tū ne qadam rakhā vahāñ maiñ ne bhī sar rakhā Amīrؔ! achhā shugūn-e-mai kyā sāqī kī furqat mein Jo barsā abr-e-rahmat jā'e-mai shīshoñ mein bhar rakhā