ہیں نہ زندوں میں نہ مردوں میں کمر کے عاشق
ہیں نہ زندوں میں نہ مردوں میں کمر کے عاشق نہ ادھر کے ہیں الٰہی نہ ادھر کے عاشق ہے وہی آنکھ جو مشتاق ترے دید کی ہو کان وہ ہیں جو رہیں تیری خبر کے عاشق جتنے ناوک ہیں کماندار ترے ترکش میں کچھ مرے دل کے ہیں کچھ میرے جگر کے عاشق برہمن دیر سے کعبے سے پھر آئے حاجی تیرے در سے نہ سرکنا تھا نہ سرکے عاشق آنکھ دکھلاؤ انہیں مرتے ہوں جو آنکھوں پر ہم تو ہیں یار محبت کی نظر کے عاشق چھپ رہے ہوں گے نظر سے کہیں عنقا کی طرح توبہ کیجے کہیں مرتے ہیں کمر کے عاشق بے جگر معرکۂ عشق میں کیا ٹھہریں گے کھاتے ہیں خنجر معشوق کے چرکے عاشق تجھ کو کعبہ ہو مبارک دل ویراں ہم کو ہم ہیں زاہد اسی اجڑے ہوئے گھر کے عاشق کیا ہوا لیتی ہیں پریاں جو بلائیں تیری کہ پری زاد بھی ہوتے ہیں بشر کے عاشق بے کسی درد و الم داغ تمنا حسرت چھوڑے جاتے ہیں پس مرگ یہ ترکے عاشق بے سبب سیر شب ماہ نہیں ہے یہ امیرؔ ہو گئے تم بھی کسی رشک قمر کے عاشق
English rendering
Hain na zindon mein na murdon mein kamar ke aashiq Na idhar ke hain ilahi na udhar ke aashiq Hai wohi aankh jo mushtaq tere deed ki ho Kaan woh hain jo rahein teri khabar ke aashiq Jitne naawak hain kamandaar tere tarkash mein Kuch mere dil ke hain kuch mere jigar ke aashiq Brahman dair se kaabe se phir aaye haaji Tere dar se na sarakna tha na sarke aashiq Aankh dikhlao unhein marte hon jo aankhon par Hum to hain yaar mohabbat ki nazar ke aashiq Chup rahe honge nazar se kahin Anqa ki tarah Tauba keeje kahin marte hain kamar ke aashiq Be-jigar marka-e-ishq mein kya thahrein ge Khate hain khanjar-e-mashooq ke chirke aashiq Tujh ko kaaba ho mubarak dil-e-veeran hum ko Hum hain zaahid isi ujde hue ghar ke aashiq Kya hua leti hain pariyan jo balayein teri Ke pari zad bhi hote hain bashar ke aashiq Be-kasi dard-o-alam dagh-e-tamanna hasrat Chhode jaate hain pas-e-marg yeh tarke-e-aashiq Be-sabab sair-e-shab-e-mah nahin hai yeh Ameer Ho gaye tum bhi kisi rashk-e-qamar ke aashiq