حلقے میں رسولوں کے وہ ماہِ مدنی ہے
نعت رسول مقبول ﷺ حلقے میں رسولوں کے وہ ماہِ مدنی ہے کیا چاند کی تنویر ستاروں میں چھنی ہے کہدے میرے عیسٰی سے مدینے میں یہ کوئی اب جان پہ بیمارِ مَحَبّت کے بنی ہے محبوب کو بے دیکھے ہوئے لوٹ رہے ہیں عشّاق میں کیا رنگِ اویسِ قرنی ہے گھر سے کہیں اچھا ہے مدینے کا مسافر یاں صبحِ وطن شامِ غریب الوطنی ہے معراج میں حوروں نے جو دیکھا تو یہ بولیں کس نوک پلک کا یہ جوانِ مدنی ہے اِک عمر سے جلتا ہے مگر جل نہیں چکتا کس شمع کا پروانہ اویسِ قرنی ہے عشاق سے پوچھے نہ گئے حشر میں اعمال کیا بگڑی ہوئی بات مَحَبّت سے بنی ہے یاد احمدِ مختار کی ہے کعبہِ دل میں مکے میں عیاں جلوہِ ماہِ مدنی ہے کس شوق سے جاتے ہیں مدینے کے مسافر محبوب وطن سے کہیں یہ بے وطنی ہے کہتا ہے مسافر سے یہ ہر نخلِ مدینہ آرام ذرا لے لو یہاں چھاؤں گھنی ہے آغوشِ تصور میں بھی آنا نہیں ممکن حوروں سے بھی بڑھ کر تری ناز کبدنی ہے اللہ کے محبوب سے ہے عشق کا دعوٰی بندوں کا بھی کیا حوصلہ اللہ غنی ہے آنکھوں سے ٹپکتا ہے مری رنگِ اویسی جو لختِ جگر ہے وہ عقیقِ یمنی ہے میں اس کے غلاموں میں ہوں جو سب کا ہے آقا سردارِ رسل سیّدِ مکی مدنی ہے اعدا نے جہاں مانگی اماں رُک گئی چل کر شمشیرِ حُسینی میں بھی خلقِ حَسَنی ہے ہر دل میںں ہےں محبوبِ الٰہی کی تجلی ہر آئینے میں عکسِ جمالِ مدنی ہے مقتل ہے چمن نعش پہ حوروں کا ہے مجمع کیا رنگ میں ڈوبی مری خونیں کفنی ہے پہنچی ہیں کہاں آہیں اویسِ قرنی کی باغوں میں مدینے کے ہوائے یمنی ہے کچھ مدح پڑھوں روضہِ پُر نُور پہ چلکر یہ بات امیؔر اب تو مرے دل میں ٹھنی ہے
English rendering
Naat-e-Rasool-e-Maqbool ﷺ Halqe mein rasoolon ke woh maah-e-madani hai Kya chand ki tanveer sitaron mein chhuni hai Kehde mere Eesa se Madine mein yeh koi Ab jaan pe beemaar-e-mohabbat ke bani hai Mehboob ko be-dekhe hue laut rahe hain Ushshaaq mein kya rang-e-Ovais-e-Qarni hai Ghar se kahin accha hai Madine ka musafir Yaan subh-e-watan shaam-e-ghareeb-ul-watani hai Mairaj mein hooron ne jo dekha toh yeh bolin Kis nok palak ka yeh jawaan-e-madani hai Ek umar se jalta hai magar jal nahin chukta Kis shama ka parwana Ovais-e-Qarni hai Ushshaaq se pooche na gaye Hashr mein aamal Kya bigdi hui baat mohabbat se bani hai Yaad-e-Ahmad-e-Mukhtar ki hai Kaaba-e-dil mein Makke mein ayyan jalwa-e-maah-e-madani hai Kis shauq se jaate hain Madine ke musafir Mehboob watan se kahin yeh be-watani hai Kehta hai musafir se yeh har nakhl-e-Madina Aaram zara le lo yahan chhaaon ghani hai Aaghosh-e-tasavvur mein bhi aana nahin mumkin Hooron se bhi badh kar teri naaz-e-kabdani hai Allah ke mehboob se hai ishq ka daava Bandon ka bhi kya hausla Allah ghani hai Aankhon se tapakta hai meri rang-e-Ovais-i Jo lakht-e-jigar hai woh aqeeq-e-Yamani hai Main us ke ghulamon mein hoon jo sab ka hai aaqa Sardaar-e-Rusul Sayyid-e-Makki Madani hai A'ada ne jahaan maangi amaan ruk gayi chal kar Shamshir-e-Husaini mein bhi khulq-e-Hasani hai Har dil mein hain mehboob-e-Ilahi ki tajalli Har aayine mein aks-e-jamaal-e-madani hai Maqtal hai chaman na'ash pe hooron ka hai majma Kya rang mein doobi meri khooniin kafani hai Pahunche hain kahan aahein Ovais-e-Qarni ki Baghon mein Madine ke hawa-e-Yamani hai Kuch madh padhun Rauza-e-pur-noor pe chal kar Yeh baat Ameer ab toh mere dil mein thuni hai