ہم آج پیر ہوئے کیا کبھی شباب نہ تھا
وہ کون تھا جو خرابات میں خراب نہ تھا ہم آج پیر ہوئے کیا کبھی شباب نہ تھا شبِ فراق میں کیوں یارب انقلاب نہ تھا یہ آسمان نہ تھا یا یہ آفتاب نہ تھا لحاظ ہم سے نہ قاتل کا ہو سکا دمِ قتل سنبھل سنبھل کے تڑپتے وہ اضطراب نہ تھا اُسے جو شوقِ سزا ہے مجھے ضرور ہے جرم کہ کوئی یہ نہ کہے قابلِ عذاب نہ تھا شکایت اُن سے کوئی گالیوں کی کیا کرتا کسی کا نام کسی کی طرف خطاب نہ تھا نہ پوچھ عیش جوانی کا ہم سے پیری میں ملی تھی خواب میں وہ سلطنت شباب نہ تھا دماغ بحث تھا کس کو وگر نہ اے ناصح دہن نہ تھا کہ دہن میں مرے جواب نہ تھا وہ کہتے ہیں شبِ وعدہ میں کس کے پاس آنا تجھے تو ہوش ہی اے خانماں خراب نہ تھا ہزار بار گلا رکھ دیا تہِ شمشیر میں کیا کروں تری قسمت ہی میں ثواب نہ تھا فلک نے افسرِ خورشید سر پہ کیوں رکھا سبوئے بادہ نہ تھا ساغرِ شراب نہ تھا غرض یہ ہے کہ ہو عیش تمام باعث مرگ وگرنہ میں کبھی قابلِ خطاب نہ تھا سوال وصل کیا یا سوال قتل کیا وہاں نہیں کے سوا دوسرا جواب نہ تھا ذرا سے صدمے کی تاب اب نہیں وہی ہم میں کہ ٹکڑے ٹکڑے تھا دل اور اضطراب نہ تھا کلیم شکر کرو حشر تک نہ ہوش آتا ہوئی یہ خیر کہ وہ شوق بے نقاب نہ تھا یہ بار بار جو کرتا تھا ذکر مے واعظ پئے ہوئے تو کہیں خانماں خراب نہ تھا امیر اب ہیں یہ باتیں جب اُٹھ گیا وہ شوخ حضور یار کے منہ میں ترے جواب نہ تھا
English rendering
Woh kaun tha jo kharabat mein kharab na tha Ham aaj peer hue kya kabhi shabab na tha Shab-e-firaq mein kyon Ya Rabb inqilab na tha Ye aasman na tha ya ye aaftab na tha Lihaz ham se na qatil ka ho saka dam-e-qatl Sanbhal sanbhal ke tadapte woh iztirab na tha Use jo shauq-e-saza hai mujhe zaroor hai jurm Ke koi ye na kahe qabil-e-azab na tha Shikayat un se koi galiyon ki kya karta Kisi ka naam kisi ki taraf khitab na tha Na poochh aish-e-jawani ka ham se peeri mein Mili thi khwab mein woh saltanat-e-shabab na tha Dimagh-e-bahs tha kis ko vagarna ae nasih Dehan na tha ke dehan mein mare jawab na tha Woh kehte hain shab-e-wada mein kis ke paas aana Tujhe to hosh hi ae khanman-kharab na tha Hazar bar gala rakh diya teh-e-shamshir Main kya karun teri qismat hi mein sawab na tha Falak ne afsar-e-khursheed sar pe kyon rakha Sabu-e-bada na tha saghar-e-sharab na tha Gharaz ye hai ke ho aish tamam ba'is-e-marg Vagarna main kabhi qabil-e-khitab na tha Sawal-e-vasl kiya ya sawal-e-qatl kiya Wahan nahin ke siwa doosra jawab na tha Zara se sadme ki taab ab nahin wohi ham mein Ke tukde tukde tha dil aur iztirab na tha Kaleem shukr karo hashr tak na hosh aata Huyi ye khair ke woh shauq be-naqab na tha Ye bar bar jo karta tha zikr-e-mai waiz Piye hue to kahin khanman-kharab na tha Ameer ab hain ye baatein jab uth gaya woh shokh Huzoor-e-yaar ke munh mein tere jawab na tha