ہم لوٹتے ہیں وہ سو رہے ہیں
ہم لوٹتے ہیں وہ سو رہے ہیں کیا ناز و نیاز ہو رہے ہیں کیا رنگ جہاں میں ہو رہے ہیں دو ہنستے ہیں چار رو رہے ہیں دنیا سے الگ جو ہو رہے ہیں تکیوں میں مزے سے سو رہے ہیں پہنچی ہے ہماری اب یہ حالت جو ہنستے تھے وہ بھی رو رہے ہیں تنہا تہ خاک بھی نہیں ہم حسرت کے ساتھ سو رہے ہیں سوتے ہیں لحد میں سونے والے جو جاگتے ہیں وہ رو رہے ہیں ارباب کمال چل بسے سب سو میں کہیں ایک دو رہے ہیں پلکوں کی جھپک دکھا کے یہ بت دل میں نشتر چبھو رہے ہیں مجھ داغ نصیب کی لحد پر لالے کا وہ بیج بو رہے ہیں پیری میں بھی ہم ہزار افسوس بچپن کی نیند سو رہے ہیں دامن سے ہم اپنے داغ ہستی آب خنجر سے دو رہے ہیں میں جاگ رہا ہوں اے شب غم پر میرے نصیب سو رہے ہیں روئیں گے ہمیں رلانے والے ڈوبیں گے وہ جو ڈبو رہے ہیں اے حشر مدینے میں نہ کر شور چپ چپ سرکار سو رہے ہیں آئینے پہ بھی کڑی نگاہیں کس پر یہ عتاب ہو رہے ہیں بھاری ہے جو موتیوں کا مالا آٹھ آٹھ آنسو وہ رو رہے ہیں دل چھین کے ہو گئے ہیں غافل فتنے وہ جگا کے سو رہے ہیں ہے غیر کے گھر جو ان کی دعوت ہم جان سے ہاتھ دھو رہے ہیں صد شکر خیال ہے اسی کا ہم جس سے لپٹ کے سو رہے ہیں ہو جائیں نہ خشک داغ کے پھول آنسو ان کو بھگو رہے ہیں آئے گی نہ پھر کے عمر رفتہ ہم مفت میں جان کھو رہے ہیں کیا گریہ بے اثر سے حاصل اس رونے پہ ہم تو رو رہے ہیں فریاد کہ ناخداۓ کشتی کشتی کو مری ڈبو رہے ہیں کیوں کرتے ہیں غم گسار تکلیف آنسو مرے منہ کو دھو رہے ہیں محفل برخاست ہے پتنگے رخصت شمعوں سے ہو رہے ہیں ہے کوچ کا وقت آسماں پر تارے کہیں نام کو رہے ہیں ان کی بھی نمود ہے کوئی دم وہ بھی نہ رہیں گے جو رہے ہیں دنیا کا یہ رنگ اور ہم کو کچھ ہوش نہیں ہے سو رہے ہیں ٹھہرو دم نزع دو گھڑی اور دو چار نفس ہی تو رہے ہیں پھول ان کو پنہا پنہا کے اغیار کانٹے مرے حق میں بو رہے ہیں زانو پہ امیرؔ سر کو رکھے پہروں گزرے کہ رو رہے ہیں
English rendering
Hum loot-te hain woh so rahe hain Kya naaz o niyaaz ho rahe hain Kya rang jahaan mein ho rahe hain Do hanste hain chaar ro rahe hain Dunya se alag jo ho rahe hain Takiyon mein maze se so rahe hain Pahunche hai hamari ab yeh haalat Jo hanste the woh bhi ro rahe hain Tanha teh-e-khak bhi nahin hum Hasrat ke saath so rahe hain Sote hain lahad mein sone wale Jo jaagte hain woh ro rahe hain Arbaab-e-kamaal chal base sab Sau mein kahin ek do rahe hain Palkon ki jhapak dikha ke yeh but Dil mein nashtar chhubho rahe hain Mujh dagh-e-naseeb ki lahad par Laale ka woh beej bo rahe hain Peeri mein bhi hum hazaar afsos Bachpan ki neend so rahe hain Daman se hum apne dagh-e-hasti Aab-e-khanjar se dho rahe hain Main jaag raha hoon aye shab-e-gham Par mere naseeb so rahe hain Roenge hamein rulane wale Doobenge woh jo dubo rahe hain Aye Hashr Madine mein na kar shor Chup chup Sarkaar so rahe hain Aaine pe bhi kadi nigahein Kis par yeh itaab ho rahe hain Bhaari hai jo motiyon ka mala Aath aath aansoo woh ro rahe hain Dil chheen ke ho gaye hain ghaafil Fitne woh jaga ke so rahe hain Hai ghair ke ghar jo un ki daawat Hum jaan se haath dho rahe hain Sad shukr khayal hai isi ka Hum jis se lipat ke so rahe hain Ho jaayen na khushk dagh ke phool Aansoo un ko bhigo rahe hain Aayegi na phir ke umr-e-rafta Hum muft mein jaan kho rahe hain Kya girya-e-be-asar se haasil Is rone pe hum toh ro rahe hain Faryaad ke nakhuda-e-kashti Kashti ko meri dubo rahe hain Kyun karte hain ghamgusaar takleef Aansoo mere munh ko dho rahe hain Mehfil barkhast hai patange Rukhsat shamon se ho rahe hain Hai koch ka waqt aasmaan par Taare kahin naam ko rahe hain In ki bhi namood hai koi dam Woh bhi na rahenge jo rahe hain Dunya ka yeh rang aur hum ko Kuchh hosh nahin hai so rahe hain Thahro dam-e-naza do ghadi aur Do chaar nafas hi toh rahe hain Phool un ko pinhana pinhana ke aghyar Kaante mere haq mein bo rahe hain Zaanu pe Ameer sar ko rakhe Pehron guzre ke ro rahe hain